မဲခေါင်၊ ဖေဖော်ဝါရီ ၁၃
တိုင်းရင်းသားပါတီ ၁၂ခုနဲ့ဖွဲ့စည်းထားတဲ့ ဖက်ဒရယ်ဖော်ဆောင်ရေး ပြည်သူ့ကိုယ်စားလှယ်များ ကော်မတီ (PRCF)က ရေးဆွဲတဲ့ ဖက်ဒရယ်ဒီမိုကရေစီ ပြည်ထောင်စုဖွဲ့စည်းပုံအခြေခံဥပဒေ (နောက်ဆုံးမူကြမ်း)ကို ဒီနေ့ ဖေဖော်ဝါရီ ၁၂ ရက် မှာ ထုတ်ပြန်လိုက်တာဖြစ်ပါတယ်။
စစ်အာဏာသိမ်းမှုကို ဆန့်ကျင်ဖို့ ဖွဲ့စည်းခဲ့တဲ့ PRCF ဟာ ၂၀၂၁ ခု မတ်လ ၁၈ ရက်မှာ ဖက်ဒရယ်ဖော်ဆောင်ရေးပြည်သူ့ကော်မတီ (PRF) ကနေ ဖက်ဒရယ်ဖော်ဆောင်ရေး ပြည်သူ့ကိုယ်စားလှယ်များကော်မတီ(PRCF) အဖြစ် ပြောင်းလဲခေါ်ဝေါ်ခဲ့တာဖြစ်ပါတယ်။
ဒီအဖွဲ့ဟာ စုံညီအစည်းအဝေးတွေ အကြိမ်ကြိမ်ပြုလုပ်ခဲ့ပြီး အတည်ပြုပြီးတဲ့နောက် ဒီနေ့မှာထုတ်ပြန်ခဲ့တာဖြစ်ပြီး ရှင်သန်နေတဲ့ ဖက်ဒရယ်ဒီမိုကရေစီ ပြည်ထောင်စုဖွဲ့စည်းပုံ အခြေခံဥပဒေတစ်ရပ်အဖြစ် သတ်မှတ်သွားမယ်လို့ ဖော်ပြထားပါတယ်။
PRCF အဖွဲ့ဝင် ပါတီတွေကတော့ ရှမ်းတိုင်းရင်းသားများဒီမိုကရေစီအဖွဲ့ချုပ် (SNLD)၊ ရခိုင်ဒီမိုကရေစီအဖွဲ့ချုပ် (ALD)၊ ကရင်အမျိုးသားပါတီ (KNP)၊ ဇိုမီးဒီမိုကရေစီအဖွဲ့ချုပ် (ZCD)၊ လူ့ဘောင်သစ်ဒီမိုကရက်တစ်ပါတီ (DPNS)၊ ညီညွတ်သောတိုင်းရင်းသားလူမျိုးများဒီမိုကရေစီပါတီ (UNDP)၊ ဓနုတိုင်းရင်းသားလူမျိုးများဒီမိုကရေစီပါတီ (DNDP)၊ ဒိုင်းနက်လူမျိုးများတိုးတက်ရေးပါတီ၊ မြိုအမျိုးသားဒီမိုကရေစီပါတီ (MNDP)၊ ကယန်းအမျိုးသားပါတီ (KNP)၊ ရှမ်းပြည်ကိုးကန့်ဒီမိုကရက်တစ်ပါတီ (SSKDP)၊ မွန်ရေးရာအဖွဲ့ (MAA) တို့ဖြစ်ပြီး တိုင်းရင်းသားလူမျိုးစုနိုင်ငံရေးပါတီတွေ ဖြစ်ပါတယ်။
MK-012
#MeKongNews
#ဖက်ဒရယ်
#PRCF
#တိုင်းရင်းသား
#ပါတီ
#အာဏာသိမ်း