မဲခေါင်၊ မတ် ၄
တာချီလိတ်မြို့မှာ ရွေးကောက်ပွဲကော်မရှင် ဒုဦးစီးမှု ခေါင်းဆောင်တဲ့ ဓားပြမှုကနေ နောက်ဆက်တွဲ ၄ ဦးကို မတ်လ ၃ ရက်မှာထပ်မံဖမ်းဆီးရမိတယ်လို့ သိရပါတယ်။
စစ်တပ်၊ ရဲနဲ့ ပြည်သူ့စစ်အယောင်ဆောင်ပြီးထားတဲ့ ဓားပြတိုက်သူတွေကို လက်နက်ခဲယမ်းတွေနဲ့ ဖမ်းဆီးရမိခဲ့တဲ့ ၇ ဦး အပြင် နောက်ဆက်တွဲ အဖြစ် ရန်အောင်မြေရပ်ကွက်၊ ပါလျှံရပ်ကွက်တွေမှာ ဓားပြတွေနဲ့ ပူးပေါင်းပါဝင်ခဲ့သူ ၄ ဦးကို မတ်လ ၃ရက် ညနေပိုင်းက ဖမ်းဆီးရမိခဲ့တာလို့ သတင်းရင်းမြစ်တွေဆီက သိရပါတယ်။
ဓားပြမှု ကွင်းဆက်တရားခံတွေဖြစ်တဲ့ အိုက်ကျော် ခေါ် စိုင်းကျော်လင်းဦး၊ စိုင်းစွမ်းမိန်း ခေါ် အိုက်တီ၊ စိုင်းခေး၊ စိုင်းကွမ်းခေး တို့ကို ရန်အောင်မြေနဲ့ပါလျှံ အငှားလိုင်းခန်းတွေကနေ ဖမ်းဆီးရမိခဲ့တာလို့ သိရပါတယ်။
သူတို့နဲ့အတူ ပစ္စတို ၁ လက်၊ ကျည်ကာအင်္ကျီ ၁ထည်၊ အနက်ရောင်ဘောင်းဘီရှည် ၁ ထည်၊ အနက်ရောင်စစ်အကျီ ၂ ထည်၊ စစ်စိမ်းရောင် ဘောင်းဘီ ၂ ထည်၊ လက်ထပ် ၁ စုံ၊ ရဲအနွေးထည်အကျီ ၁ ထဘ်၊ စကားပြောစက် ၄ လုံး၊ အနက်ရောင်တောစီး ၁ရံနဲ့ မော်တော်ယာဉ် ၂ စီးတို့ကို ရှာဖွေသိမ်းဆည်းရမိခဲ့တယ်လို့ သိရပါတယ်။
အဲဒီဓားပြဂိုဏ်းဟာ တာချီလိတ်မြို့ပေါ် အိမ်တွေနဲ့ကုန်စုံဆိုင်တွေကို လုယက်ခဲ့တာဖြစ်ပြီး သတင်းစုဆောင်းချက်များအရ ဖေဖော်ဝါရီ ၂၉ ရက်နေ့မှာ ခရိုင်ကော်မရှင်ရုံးဝန်းအတွင်း ဓားပြတိုက်ဖို့ စုစည်းနေစဉ်မှာ ဓားပြခေါင်းဆောင် မြို့နယ်ကော်မရှင်ရုံးဒုဦးစီး အေးကိုကိုဦးပါ ၇ ဦးကို ဖမ်းဆီးရမိပြီး စစ်ကြောချက်တွေအရ အခုကွင်းဆက်တရားခံ ၄ ဦးကို ဖမ်းမိခဲ့တာ ဖြစ်တယ်လို့ သိရပါတယ်။
MK – 012