မဲခေါင်၊ ဖေဖော်ဝါရီ ၅

ဆီဆိုင်မြို့မှာ ခိုးယူမှုတွေများနေတာကြောင့် PNLA က စောင့်ဖမ်းခဲ့တဲ့အတွက် စစ်ကောင်စီလက်အောက်ခံ ပြည်သူ့စစ် PNA မှ ဗိုလ်အဆင့်ရှိသူနဲ့ တပ်သားတွေကို ဖမ်းမိခဲ့တယ်လို့ သိရပါတယ်။

PNLA က စောင့်ဆိုင်းဖမ်းစဥ်မှာ ပြည်သူ့စစ် PNA ဗိုလ်တစ်ဦးနဲ့ တပ်သား၊ မူးယစ်ဆေးသုံးစွဲသူတွေကိုပါ ခိုးရာပါပစ္စည်း၊ လက်နက်တွေနဲ့အတူ ဖမ်းမိခဲ့တာဖြစ်တယ်လို့ သိရပါတယ်။

ဆီဆိုင်မြို့ရှိ အများပြည်သူနေအိမ်များ ဖောက်ထွင်းခိုးယူခံရမှုများပြားလာတဲ့အတွက်သူခိုးများကို PNLA က စောင့်ဆိုင်းရာ PNA ဗိုလ်တစ်ဦးခေါင်းဆောင်တဲ့ သူခိုးများကို ဖမ်းဆီးရမိတယ်လို့ သိရပါတယ်။

ဖမ်းခဲ့သူတွေကို ဦးဆောင်သူမှာ ပြည်သူ့စစ် PNA မှ ဗိုလ်အဆင့်ရှိသူ ခွန်သန်းဆိုသူဖြစ်ပြီး သူကိုင်ဆောင်တဲ့ လက်နက်တွေနဲ့အတူ ဖမ်းမိခဲ့တာပါ။

ဖမ်းမိတဲ့ PNA ဗိုလ်ခွန်သန်းရဲ့ ထွက်ဆိုချက်အရ အခုလိုလုပ်တာဟာ စစ်ကောင်စီရဲ့ ညွှန်ကြားချက်ကြောင့် လုပ်ရတာဖြစ်ပြီး ရရှိလာတဲ့ ပစ္စည်းတွေကို စစ်ကောင်စီကလည်း ပြန်လည်ခွဲဝေပေးတယ်လို့ ဆိုပါတယ်။

PNLA ထိန်းချုပ်ထားတဲ့ ဆီဆိုင်မြို့မှာ ခိုးဆိုးလုနှိုက်တာတွေ များလာတယ်ဆိုပြီး စစ်တပ်လော်ဘီတွေက သတင်းမှားများဖြန့်ချိန်မှာ PNLA ကလည်း အခုလို ဖမ်းဆီးပြီး သက်သေပြခဲ့တာဖြစ်ပါတယ်။

MK-012

#MeKongNews

#ပြည်သူ့စစ်

#PNA

#စစ်ကောင်စီ

#သူခိုး

#ဖမ်းမိ

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)