မဲခေါင်၊ ဖေဖော်ဝါရီ ၁၄
စစ်တပ်အငြိမ်းစား ယူနှုတ်ထွက်ထားသူများကိုပါ ကြိုက်သလောက်ခိုင်းစေနိုင်မယ့် အရန်တပ်ဖွဲ့ဥပဒေကို စစ်ကောင်စီက ဖေဖော်ဝါရီ ၁၃ ရက်မှာ အာဏာတည်စေရမယ်ဆိုပြီး အသက်သွင်းလိုက်ပါပြီ။
အဲ့ဒီ့ဥပဒေဟာ ယခင်အာဏာရှင်ဟောင်း ဦးသန်းရွှေလက်ထက် ၂၀၁၀ ပြည့်နှစ်၊ နို၀င်ဘာ ၄ ရက်မှာ ရှိခဲ့တဲ့ ဥပဒေကို စစ်ခေါင်းဆောင် မင်းအောင်လှိုင်က အတည်ပြုအသက်သွင်းလိုက်တာဖြစ်ပါတယ်။
ယင်းဥပဒေအရ စစ်တပ်ထဲက သက်ပြည့်ပင်စင်အရဖြစ်စေ၊ စစ်မှုထမ်းသက်အရဖြစ်စေ အငြိမ်းစားယူသူ၊ ဆန္ဒအလျောက် နှုတ်ထွက်ထားတွေဟာ ၅ နှစ်အထိ စစ်တာ၀န်ဆက်ထမ်းရမှာ ဖြစ်ပါတယ်။
စစ်တာ၀န်ပေးခံရသူကို အရင်ရာထူးနဲ့ ဒါမှမဟုတ် တိုးတာ၊ လျော့တာ ကို ကာချုပ်က လုပ်နိုင်တယ်လို့ဆိုပြီး လိုအပ်ရင် ၅ နှစ်ထက်ပိုကျော်လွန်ပြီး တာ၀န်ပေးလို့ရတယ်လို့ပါရှိပါတယ်။
အာဏာသိမ်းစစ်ကောင်စီဟာ အရင်က စစ်တပ်မှာ သက်ပြည့်ပင်စင်ကို အသက် ၆၀ နှစ်သတ်မှတ်ခဲ့တာကို တိုးပြီး အသက် ၆၂ နှစ်သတ်မှတ်ခဲ့ပြီးနောက် ယခု အရန်ဥပဒေအရဆိုရင် အသက်ကန့်သတ်ချက်မရှိ တာ၀န်ပေးလို့ရသွားပြီဖြစ်ပါတယ်။
ယင်းဥပဒေအရ စစ်တပ်နဲ့သာ သက်ဆိုင်နေသော်လည်း ကျန်အခြား ရဲတပ်ဖွဲ့လို စစ်တပ်လက်အောက်ခံ အဖွဲ့အစည်းတွေ ပါ မပါကိုတော့ ဥပေဒမှာ ဖော်ပြထားတာမရှိပါဘူး။
ပြည်သူ့စစ်မှုထမ်း ဥပေဒကို အသက်သွင်းလိုက်ပြီးတဲ့နောက်မှာ ယခု အရန်တပ်ဖွဲ့ ဥပဒေကို အာဏာတည်စေတာဖြစ်ပြီး ဥပဒေ၂ ရပ်လုံးဟာ ယခင် စစ်အာဏာရှင်ဟောင်း ဦးသန်းရွှေလက်ထက်က ပြဌာန်းခဲ့တာဖြစ်ပြီး ယခု အာဏာသိမ်းစစ်ကောင်စီက အသက်သွင်းပြဌာန်းလိုက်တာပါ။
MK-012