မဲခေါင်၊ အောက်တိုဘာ ၃၁
KIO/KIA ဌာနချုပ်ရှိရာ ကချင်ပြည်နယ်၊ လိုင်ဇာမြို့ကို ဒီကနေ့ အောက်တိုဘာ ၃၁ ရက်နေ့ ညနေ ၃ နာရီကျော်ကစပြီး စစ်ကောင်စီက လေယာဉ် ၃ စီးနဲ့ ဗုံးကြဲ တိုက်ခိုက်နေတယ်လို့ ဒေသခံတွေက ပြောပါတယ်။
“ မြို့ထဲမှာလည်း ကျတယ်။ လိုင်စင်နဲ့ အလော ဘက်ကျတယ်” လို့ ဒေသခံ တစ်ဦးက ဗုံးကြဲမှု အခြေအနေကို ပြောပါတယ်။
ဒီနေ့ မနက်ပိုင်းက စစ်ကောင်စီရဲ့ ကန်တော်ယန် တပ်စခန်းကို KIA တိုက်ခိုက် သိမ်းပိုက်ပြီးနောက် လိုင်ဇာမြို့ဘက် တုံ့ပြန် ဗုံးကြဲ တိုက်နေတာလို့ ဆိုပါတယ်။
လက်ရှိ လိုင်ဇာအနီး တောင်ကုန်းတွေနဲ့ မြို့အစွန် ရပ်ကွက်တွေကို ဗုံးကျနေတယ်လို့ သိရပါတယ်။
“ ဝုန်းဝုန်း ဆိုတာနဲ့ ခေါင်းကိုက်ကုန်ပြီ” လို့ စစ်ရှောင် ပြည်သူ တစ်ဦးက ပြောပါတယ်။
လက်ရှိ လိုင်ဇာ သွားရာလမ်းမှာရှိတဲ့ ဒေါ့ဖုန်းယန်ဘက်မှာလည်း တိုက်ပွဲ ဖြစ်နေတယ်လို့ သူက ပြောပါတယ်။
CJ-008
#MekongNews
#လိုင်ဇာ
#ဗုံးကြဲ
#စစ်ဘေးရှောင်
