မဲခေါင်၊ အောက်တိုဘာ ၃၀
၁၀၂၇ စစ်ဆင်ရေးအဖြစ် ထိုးစစ်ဆင်နေတဲ့ ညီနောင်မဟာမိတ်အဖွဲ့တွေဟာ ဒီနေ့ မနက်ပိုင်းမှာ သိန္နီထွေအုပ်ရုံးအပါအဝင် စစ်ကောင်စီရဲ့ စခန်းတွေကို ထပ်မံသိမ်းပိုက်လိုက်ပြီး စစ်သုံ့ပန်း ၃၀ ကျော် ဖမ်းမိတယ်လို့ ဒီနေ့အောက်တိုဘာ ၃၀မှာ ထုတ်ပြန်ပါတယ်။
မုံးကိုးဒေသ ဖောင်းဆိုင်ဘက်မှာ စစ်ကောင်စီစခန်း ၄ခု သိမ်းမိသလို သိန္နီဘက်မှာ စစ်ကောင်စီရဲ့ ထွေအုပ်ရုံးကို သိမ်းပိုက်လိုက်တယ်လို့ MNDAA ပြောခွင့်ရပုဂ္ဂိုလ် လီကျာဝင်းက မဲခေါင်ကို ပြောပါတယ်။
“အသေးစိတ်ကို မြန်မာလို The Kokang ပေ့ချ်ကနေ မကြာခင်ဆက်လက်ထုတ်ပြန်ပေးသွားပါမယ်” လို့သူက ပြောပါတယ်။
ဒီနေ့မနက်ပိုင်းမှာ ရှမ်းပြည်မြောက်ပိုင်းက သိန္နီ၊ မုံးကိုးတို့ဘက်မှာ တိုက်ပွဲတွေ ဆက်လက်ပြင်းထန်နေပြီး စစ်ကောင်စီဘက်က လေယာဉ်နဲ့ ဗုံးကြဲနေတယ်လို့ MNDAA က ထုတ်ပြန်ထားပါတယ်။
အပြည့်အစုံကို ဆက်လက်ဖော်ပြပါ့မယ်။
MK – 004
#MeKongNews
#Operation1027
#သိန္နီ
#မုံးကိုး