မဲခေါင်၊ ဇန်နဝါရီ ၂၈
PNLO နဲ့ပူးပေါင်းကာ ရှမ်းပြည်တောင်ပိုင်းနဲ့ ပအိုဝ်းလူမျိုးစုဒေသအတွင်း စစ်ကောင်စီအုပ်စုယန္တရား တွေမလည်ပတ် နိုင်တော့တဲ့အထိ တော်လှန်စစ် ဆင်နွှဲသွားမယ်လို့ ရှမ်းပြည်တောင်ပိုင်း ဒေသခံတော်လှန်ရေးအင်အားစု – SSLRU က ဇန်နဝါရီ၂၇ရက်မှာ ထုတ်ပြန်ပါတယ်။
စစ်အာဏာရှင်စနစ် ချုပ်ငြိမ်းရေး ဘဝတူ ညီနောင်မဟာမိတ် နှင့်အတူ ဆင်နွဲမည်လို့ PNLO ကထုတ်ပြန်ချက်အပေါ် ရှမ်းပြည်(တောင်ပိုင်း) ဒေသခံတော်လှန်ရေးတပ်ပေါင်းစု SSLRU က ထောက်ခံကြိုဆိုတယ်လို့ပါရှိပါတယ်။
စစ်မှန်တဲ့ ဖက်ဒရယ်ပြည်ထောင်စုပေါ်ပေါက်လာရေး၊ အမျိုးသားရေးတန်းတူညီမျှခွင့်နဲ့ ကိုယ့်ကြမ္မာကိုယ်ဖန်တီးပိုင်ခွင့်ရရှိရေးအတွက် PNLO နဲ့ အတူတကွပူးပေါင်းကာ စစ်ကောင်စီ ယန္တယားတွေ မလည်ပတ် နိုင်တော့တဲ့အထိ တိုက်ထုတ်မှာဖြစ် ကြောင်းလည်း တော်လှန်ရေးသစ္စာနဲ့ ကတိပြုတယ်လို့လဲ ဆိုထားပါတယ်။
ဒါ့အပြင် တနိုင်ငံလုံးက အဖိနှိပ်ခံလူထုလွတ်မြောက် ရေးအတွက် စစ်သုံးစစ် (စစ်အာဏာရှင်စနစ်၊ စစ်ဗျူရိုကရေစီယန္တရား၊ စစ်အုပ်စု) အမြစ်ပြတ်ကျရှုံးတဲ့အထိ ဘဝတူညီနောင်မဟာမိတ် တော်လှန်ရေးအင်အားစုတွေနဲ့အတူတကွ ပူးပေါင်းကာ တော်လှန်စစ် ဆင်နွှဲသွားလို့လည်းဖော်ပြထားပါတယ်။
MK – 012
#MeKongNews
#SSLRU
#PNLO