မဲခေါင်၊ မတ် ၂၂
ရှမ်းပြည်တောင်ပိုင်း၊ ရှမ်း-ကယားနယ်စပ် ဖယ်ခုံမြို့နယ်၊ လအိရွာဆေးရုံ ဒီမနက်က ဗုံးကြဲခံရလို့ ထိခိုက်ပျက်စီးပြီး အရပ်သားသေဆုံးမှုတွေ ရှိတယ်လို့ ကနဦးသိရပါတယ်။
ဒီကနေ့ မတ်လ ၂၂ ရက်နေ့ မနက်ပိုင်း ၁၀ နာရီခန့်က စစ်ကောင်စီတပ်က လေယာဥ်နဲ့ဗုံးကြဲတိုက်ခိုက်ခဲ့တာလို့ ဒေသခံကာကွယ်ရေးတပ်က ရဲဘော်တစ်ဦးကပြောပါတယ်။
“ တိုက်ပွဲအခြေနေကြောင့်ရယ် သတင်းကြိုရတာလည်းပါမယ်ထင်တယ် လူနာတွေကိုတော့ မနေ့ညတည်းက ရွှေ့ပြောင်းထားပေမယ့် ဆေးရုံနဲ့ ဆေးရုံဘေးက ကားတိုင်းမှာပါ ကြဲသွားတာ” လို့ သူက မဲခေါင်သတင်းကို ပြောပါတယ်။
စစ်ကောင်စီဟာ တစ်ကြိမ်ကို ဗုံး ၂ လုံးနဲ့ ၄ ကြိမ်လာရောက်ဗုံးကြဲခဲ့တာဖြစ်တယ်လို့ မိုးဗြဲ PDF ကလည်း ထုတ်ပြန်ထားပါတယ်။
၁၆ ကုတင်ဆံ့ လအိဆေးရုံဟာ စစ်ကောင်စီဗုံးကြဲမှာကို စိုးရိမ်တဲ့အတွက် လူနာကုသခြင်း၊ ထားရှိခြင်းမရှိဘဲ ဆေးရုံပစ္စည်းအချို့သာ ထားရှိတဲ့ နေရာလို့လည်း သိရပါတယ်။
လေကြောင်းဗုံးကျဲမှုကြောင့် ဆေးရုံအနီးက အရပ်သား ၂ ဦး သေဆုံးခဲ့တယ်လို့လည်း ဒေသခံတွေက အတည်ပြုပါတယ်။
အဲ့ဒီဆေးရုံဟာ ၂၀၁၅ NLD အစိုးရလက်ထက်က နိုင်ငံတော်အစီအမံနဲ့ တည်ဆောက်ခဲ့တဲ့ ဆေးရုံဖြစ်တယ်လို့ သိရပါတယ်။
CJ001
