မဲခေါင်၊ မတ် ၁၈
ရှမ်းပြည်တောင်ပိုင်း၊ ပင်လောင်းမြို့နယ်တောင်ဘက်တွင် ၁ လေးလုံးစစ်ဆင်ရေးရဲ့ ဆက်စပ်တိုက်ပွဲတွေ ဖြစ်ပွားနေလို့ အန္တရယ်များတာကြောင့် ပြည်သူများအထိအခိုက်မရှိစေရန် ပြည်သူတွေ ခရီးသွားလာခြင်းမပြုကြဖို့ မိုးဗြဲ-ဖယ်ခုံတော်လှန်ရေးအင်အားစုတွေက မတ်လ ၁၆ ရက်မှာ မေတ္တာရပ်ခံထားပါတယ်။
ကရင်နီပြည်နယ်အတွင်း စစ်ကောင်စီနဲ့ PNO ပြည်သူ့စစ်တွေရဲ့ ထိုးစစ်ဆင်နေမှုတွေကို ခုခံနေရလို့နောင်ဝိုး၊ ဗန်းမောက်နဲ့ နမ်းဖောမူ ကျေးရွာများတောက်လျှောက် တိုက်ပွဲတွေ ပြင်းထန်စွာဖြစ်ပွားနေတယ်လို့ ထုတ်ပြန်ချက်က ဆိုပါတယ်။
လူထုတွေအနေနဲ့ ကုန်းလမ်းသာမက ရေလမ်းကိုပါ အသုံးပြုပြီး ခရီးသွားလာမှုတွေ မပြုလုပ်ကြဖို့နဲ့ ဘေးလွတ်ရာကို အမြန်ဆုံးတိမ်းရှောင်ပေးကြဖို့ အထူးမေတ္တာရပ်ခံထားပါတယ်။
အထူးထုတ်ပြန်လိုတာကတော့ မဟာမိတ်အင်အားစုတွေအနေနဲ့ စစ်ကောင်စီနဲ့ PNO ပြည်သူ့စစ်တွေ ကရင်နီပြည်နယ်ထဲကို စစ်ကြောင်းထိုးနေမှုများကို အဆက်မပြတ် ခုခံတော်လှန် ပြန်လည်ကာကွယ်နေမှာဖြစ်တယ်လို့ အသိပေးတယ်လို့ ဖော်ပြပါရှိပါတယ်။
ပြီးခဲ့တဲ့ မတ်လ ၁၀ ရက်ကတဲက တောင်မဲသင်း၊ နမ့်နိန်း၊ နမ့်ဖောမူရွာ ဘေးဝန်းကျင်တွေမှာ အခြေပြုလာတဲ့ စစ်ကောင်စီနဲ့အပေါင်းပါတွေကို တော်လှန်ရေးအင်အားစုတွေက အပြင်းအထန်တိုက်ခိုက်နေလို့ ဒေသခံပြည်သူ ၁ သောင်းခန့်ဟာ ပင်လောင်း၊ နောင်တရားနဲ့ ညောင်ရွှေမြို့တွေဆီ ကို ကြိုတင်စစ်ဘေးရှောင်နေကြတယ်လို့ သိရပါတယ်။
MK-012
