မဲခေါင်၊ ဖေဖော်ဝါရီ ၂၉
ရခိုင်ပြည်နယ်၊ စစ်တွေမြို့ပေါ်ရှိ မြို့မဈေးကြီးမှာ ယနေ့ ဖေဖော်ဝါရီ ၂၉ ရက် မနက် ၈ နာရီခွဲက စစ်ကောင်စီရေတပ်က လက်နက်ကြီးနဲ့ပစ်လို့ ဈေးလာပြည်သူ ၁၀ ဦးကျော်သေဆုံးပြီး ၂၀ ဦးထက် ဒဏ်ရာရခဲ့တယ်လို့ ယင်းဖြစ်ရပ်ကို မျက်မြင်တွေ့သူ ဒေသခံ တစ်ဦးက မဲခေါင်ကို ပြောပါတယ်။
စစ်တွေမြို့ ပြည်တော်သာ အထိုင်ချ စစ်ကောင်စီရေတပ်က အမြောက်နဲ့ပစ်ခတ်ခဲ့တာမှာ ကိုးရီးယားဆိပ်ကမ်း(BXT) မြို့မဈေးရဲ့ အစည်းကားဆုံး ဟင်းသီးဟင်းရွက်ဈေးတန်းကို ကျရောက်ပေါက်ကွဲခဲ့တာလို့ သိရပါတယ်။
အမြောက်သံကြားပြီး လူတွေထိတာ သေတာတွေ အဝေးကမြင်ရတယ်၊ မီးလောင်လို့ မီးသတ်ကားနဲ့လဲငြိမ်းနေတယ်၊ ဆေးရုံရှေ့မှာလည်းလူတွေ အများကြီးရောက်နေတယ်၊ အမြောက်သံက နားတောင်မခံနိုင်ဘူးလို့ ပြောပါတယ်။
ယင်းပစ်ခတ်မှုရဲ့ သေဆုံး၊ ဒဏ်ရာရသူ ဒီထက်ပိုများနိုင်တယ်လို့လဲ သူကပြောပါတယ်။
အခုချိန်မှာ လုံခြုံရေးတပ်တွေက အသွားအလာတွေကို ကန့်သတ်ပိတ်ဆို့လိုက်လို့ ဆေးရုံရှေ့ရောက်နေသူတွေ ဈေးနားရှိနေသူတွေကို အားလုံးမောင်းထုတ်နေတယ်လို့ သိရပါတယ်။
စစ်ကောင်စီက စစ်တွေမြို့ အင်တာနက်လိုင်းတွေကို ဖေဖော်ဝါရီ ၂၆ ရက်ကစပြီး ဖြတ်တောက်ထားလို့ ဖုန်းပဲပြောလို့ရနေတယ်လို့ သိရပါတယ်။
MK-012
