မဲခေါင်၊ ဖေဖော်ဝါရီ ၅
ကရင်နီပြည်နယ်၊ ဒီးမော့ဆိုအနောက်ခြမ်းရှိ ပရဟိတစာသင်ကျောင်းတစ်ကျောင်းကို စစ်ကောင်စီက ဒီနေ့ ဖေဖော်ဝါရီ ၅ ရက် မနက်ပိုင်းမှာ လေကြောင်းကနေ ၁၀ ကြိမ်မက တိုက်ခိုက်ခဲ့လို့ ကလေးငယ်အများအပြား ထိခိုက်ပြီး သေဆုံးမှုများတယ်လို့ ကနဦးသိရပါတယ်။
လွယ်နန်းဖကျေးရွာရှိ ဒေါစီအိစာသင်ကျောင်းကို ဒီကနေ့ မနက် ၁၁ နာရီခန့်ကစပြီး လေယာဥ်နဲ့ အကြိမ် ၁၀ ကြိမ်ကျော် လာပစ်ခဲ့တာလို့ သိရပါတယ်။
“ကျောင်းက ၂ ကျောင်းရှိတယ်။ သူငယ်တန်း ကနေ ၉ တန်းထိသင်ပေးတာ။ ကယ်ဆယ်ရေး လိုက်သွားတဲ့သူတွေပြန်လာမှ သေချာသိရမယ်။ တစ်စစီဖြစ်သွားတဲ့ ကလေးတွေလည်းရှိတယ် ပြောတယ်” လို့ ကရင်နီအခြေစိုက် ရှမ်းတောင် PDF ရဲဘော်တစ်ဦးက ပြောပါတယ်။
လက်ရှိမှာ ကယ်ဆယ်ရေးလုပ်ငန်းတွေ လုပ်နေဆဲဖြစ်တာကြောင့် ထိခိုက်ပျက်စီးမှု အခြေအနေ အသေးစိတ်ကိုတော့ မသိရသေးပါဘူး။
အဲ့ဒီ ဒေါစီအိ ပရဟိတစာသင်ကျောင်းမှာ စစ်ဘေးရှောင်ကလေး ၁၀၀ ရာကျော်ရှိပြီး သူငယ်တန်းကနေ နဝမတန်းအထိ စာသင်ကြားပေးနေတဲ့အပြင် ကွန်ပျူတာသင်တန်းလည်း သင်ကြားပေးနေတဲ့ ကျောင်းဖြစ်တယ်လို့ သိရပါတယ်။
CJ-001
#MeKongNews
#စစ်ကောင်စီ
#ဒီမော့ဆို
#ဗုံးကြဲ
#စာသင်ကျောင်း
#ကလေး