မဲခေါင်၊ ဒီဇင်ဘာ ၁၆
အရှေ့အလယ်ပိုင်း အစ္စရေးနဲ့ဟားမက်စ်တို့ တိုက်ပွဲဖြစ်နေချိန် ဘာသာရေး၊ လူမျိုးရေးမုန်းတီးမှုတွေ မြင့်တက် လာတာနဲ့အမျှ ဟားမက်စ်တွေဟာ ဥရောပတစ်လွှား အကြမ်းဖက်ပြီး အပြစ်မဲ့ပြည်သူတွေကို တိုက်ခိုက်သတ်ဖြတ်ဖို့စီမံကိန်းတွေ ချထားတာကြောင့် သက်ဆိုင်ရာ နိုင်ငံတွေက ရဲတွေဟာ လုံခြုံရေးတင်ကြပ် နေရပြီး ဂျာမနီ၊ ဒိန်းမတ်နဲ့ နယ်သာလန်နိုင်ငံတွေမှာ ရဲတပ်ဖွဲ့ဝင်ရောက်စီးနင်းမှုက အကြမ်းဖက်သံသယရှိသူ ၇ ယောက် ဖမ်းဆီးရမိခဲ့ပါတယ်။
ဟားမက်စ်တွေဟာ ဥရောပတစ်လွှား ဂျူးအသိုင်းအဝိုင်းရပ်ဝန်းကို အဓိက ပစ်မှတ်ထားပြီး အကြမ်းဖက်တိုက်ခိုက် မှုတွေ လုပ်ဖို့ စီစဉ်နေတဲ့အတွက် အန္တရာယ်ဟာ ကိုယ့်အိမ်တံခါးနားမှာ ရှိနေတယ်လို့ ဥရောပရဲတပ်ဖွဲ့က သတိ ပေးချက် ထုတ်ပြန်ထားပါတယ်။ အစ္စရေးထောက်လှမ်းရေးအဖွဲ့က ဟားမက်စ်တွေ ဥရောပတစ်လွှား ဂျူးအသိုင်း အဝိုင်းတွေကို အကြမ်းဖက်တိုက်ခိုက်ဖို့ စီစဉ်နေကြောင်း၊ လက်နက်အမြောက်အများကို မသိရနိုင်သေးတဲ့ ဥရောပ နိုင်ငံတစ်ခုမှာ စုဆောင်ထားရှိပြီး ဂျာမနီမှာ အကြမ်းဖက်ဖို့ စီစဉ်နေတဲ့ ၃ ယောက်၊ နယ်သာလန်မှာ လက်နက် ထုတ်လုပ်နေသူတစ်ယောက်၊ ဖမ်းဆီးမိတဲ့ ၇ ယောက်ထဲမှာ ၄ ယောက်က ဟားမက်စ်နဲ့ နှစ်ပေါင်းများစွာ လက်တွဲ ပူးပေါင်းလာသူတွေဖြစ်တယ်လို့ ထုတ်ပြန်ခဲ့ပါတယ်။
ဒိန်းမတ်နိုင်ငံဟာလည်း ကိုရမ်ကျမ်းမီးရှို့ဖျက်ဆီးမှုတွေရှိလို့ အစ္စလာမ္မစ်အစွန်းရောက်တွေရဲ့ အဓိက ပစ်မှတ်နိုင်ငံ ထဲပါနေတဲ့အတွက် ဒီတစ်ပတ်လုံး ဒိန်းမတ်ရဲတပ်ဖွဲ့ဟာ ဝင်ရောက်စီးနင်းမှုတွေအများအပြားလုပ်ခဲ့ပြီး ၃ ယောက် ကို ဖမ်းဆီးခဲ့တယ်လို့ ထုတ်ပြန်ပါတယ်။
Ref:Thesun
MKF-001
#MeKongNews
#ဥရောပ
#ဂျူး
#ဟားမက်စ်