မဲခေါင်၊ အောက်တိုဘာ ၉
အောက်တိုဘာ ၇ ရက်စနေနေ့က လက်နက်ကြီးဒုံးကျည်အများအပြားနဲ့ ပါလက်စတိုင်း တော်လှန်ရေး ဟားမက်စ်အဖွဲ့က အစ္စရေးကို ရုတ်တရက်တိုက်ခိုက်လို့ နှစ်ဖက် အဆိုးဆုံးအခြေအနေဖြစ်လာပြီး အစ္စရေး ဘက်ကလည်း ဂါဇာကမ်းမြောင်ဒေသကို ဒုံးကျည်အများအပြားနဲ့ ပစ်ခတ်နေသလို စစ်ကြေညာပြီး ဝင်ရောက် တိုက်ခိုက်ဖို့တောင် စီစဉ်နေပြီဖြစ်ပေမယ့် ကုလသမဂ္ဂလုံခြုံရေးကောင်စီဟာ ဟားမက်စ်ကို ရှုတ်ချဖို့တောင် စုပေါင်းထုတ်ပြန်ချက် မထုတ်ပြန်နိုင်သေးပါဘူး။
အောက်တိုဘာ ၈ ရက် တနင်္ဂနွေနေ့က နယူးယောက်မှာ တံခါးပိတ်အစည်းအဝေးကျင်းပပြီး အမေရိကန်က ပါလက်စတိုင်းဘက်က ၄၁၃ ဦး၊ အစ္စရေးဘက်က ၇၀၀ ဦးသေဆုံးရပြီးဖြစ်တဲ့ ဒီတိုက်ခိုက်မှုစတင်သူ ဟားမက်စ်ကို အဖွဲ့ဝင် ၁၅ နိုင်ငံစလုံးက ရှုတ်ချကြောင်း ပူးတွဲကြေညာချက် ထုတ်ပြန်ဖို့ တိုက်တွန်းခဲ့ပါတယ်။ ဒါပေမဲ့ ရုရှားအပါအဝင် ယူအေအီးလို အစ္စလာမ်ဘာသာ အဓိကကိုးကွယ်တဲ့ အရှေ့အလယ်ပိုင်း ယာယီအဖွဲ့ဝင်နိုင်ငံတွေက လက်မခံလို့ လုံခြုံရေးကောင်စီမူအရ အားလုံးတစ်ညီတညွတ်တည်းသဘောမတူရင် ထုတ်ပြန်ချက်မထုတ်နိုင်တဲ့အဖြစ် ရောက်သွားခဲ့တာဖြစ်ပါတယ်။
အမေရိကန်သဘောထားကို လုံခြုံရေးကောင်စီမှာ အမြဲလိုကန့်ကွက်လေ့ရှိတဲ့ တရုတ်က အဖွဲ့အစည်းရဲ့ သဘော ထားကိုပိုအလေးထားမှာဖြစ်ကြောင်းနဲ့ သူတို့နိုင်ငံကိုယ်စားထုတ်ပြန်တာကတော့ ပြည်သူကို တိုက်ခိုက်မှုမှန်သမျှ ရှုတ်ချတယ်လို့သာ အမြဲတမ်းကိုယ်စားလှယ် ဇန်ဂျန်းက ပြောကြားသွားပါတယ်။
Ref: upi
MKF-001
#MeKongNews
#အစ္စရေး
#ဟားမက်စ်
#စစ်ပွဲ
#ကုလ
ထုတ်ပြန်ချက်