မင်္ဂလာဒုံလေဆိပ်ကို အာစီယံတံဆိပ်ချိတ်ထားတဲ့ နိုင်ငံတကာလေယာဉ်ပျံကြီးတစ်စင်း ဆိုက်ရောက်လာပါတယ်။ လေယာဉ်ပေါ်မှာ အာစီယံခေါင်းဆောင်တွေ လိုက်ပါလာပါတယ်။ သူတို့ဟာ မြန်မာပြည်ကို အာစီယံက ထုတ်သင့်မထုတ်သင့် ငြင်းခုံကြပြီးနောက် မြန်မာပြည်အခြေအနေကို မျက်မြင်ကိုယ်တွေ့ လေ့လာဖို့ ဆုံးဖြတ်ပြီးခုလို လာရောက်ကြတာဖြစ်ပါတယ်။
လေယာဉ်ပေါ်မှာ မြန်မာပြည်နဲ့ ပတ်သက်တဲ့ ဗွီဒီယိုခွေတွေကို ကြည့်ရှုလေ့လာခဲ့ကြပါတယ်။
သူတို့လေ့လာခဲ့တဲ့ ဗွိဒီယိုခွေ တခုမှာ တော့ ဖက်ဒရယ်ပြည်ထောင်စုမြန်မာနိုင်ငံတော်အကြောင်းရိုက်ကူးထားတဲ့ ဗွီဒီယိုပါ။ အဲဒီ ဗွီဒီယိုထဲမှာ မြန်မာပြည်ကလွှတ်တော် အမတ်တွေဟာ တစ်ယောက်နဲ့တစ်ယောက် အပုတ်ချ ရန်ဖြစ်နေတဲ့ပုံတွေ ကို အသေးစိပ်ရိုက်ကူးပြသထားပါတယ်။ သတင်းစာတွေထဲမှာလည်း အမတ်တွေ အစိုးရအဖွဲ့ဝင်တွေ လဒ်ပေးလဒ်ယူလုပ်တဲ့အကြောင်း စာလုံးမဲကြီးတွေနဲ့ရေးသားထားကြပါတယ်။ လမ်းတွေပေါ်မှာလည်း ဆန္ဒပြသူတွေ ဟိုတစု အုပ်စုဖွဲ့ကာ အစိုးရကို ဆဲဆိုအော်ဟစ်နေတာကို တွေ့ကြရပါတယ်။
နောက်ဗွီဒီယိုခွေ တခုမှာတော့ စည်းကမ်းပြည့်ဝသော ပီအာလ် ပြည်ထောင်စု မြန်မာနိုင်ငံတော် အကြောင်း လို့ခေါင်စဉ်တပ်ထားတာတွေ့ရပါတယ်။ အဲဒီဗွီဒီယိုထဲမှာတော့ မင်းဝတ်တန်ဆာအပြည့်ဝတ်ဆင်ထားတဲ့ ဗိုလ်ချုပ်မှူးကြီးမင်းအောင်လှိုင်နဲ့ ဗန္ဓုလ ဝတ်စုံဝတ်ထားတဲ့ ဇော်မဲလုံးတို့ နှစ်ယောက်သား ဓါတ်ရထားစီးပြီး တိုင်းခန်းလှည့်လည်နေပုံ၊ နတ်သမီးဝတ်စုံဝတ်ထားပြီး ဏှာဗူးထ မိန်းမအရုပ်(Sex Doll) များသဖွယ် အလှပြင်ဆင်ထားတဲ့ ဗိုလ်ကတော်များက ပန်းကုံးစွပ်နေကြပုံ၊ မီးများထိန်ထိန်လင်းနေသော လမ်းမကြီးများပေါ်မှာ အမည်မသိလူအုပ်ကြီးက လိမ္မော်ရောင်ယူနီဖေါင်းများ ဝတ်ကာ DJ ပွတ်လျှက် က ခုန်နေကြပုံများကို ရိုက်ကူးပြသခဲ့ပါတယ်။
လေယာဉ်မှူးက ရန်ကုန်မင်္ဂလာဒုံလေဆိပ်ကို ရောက်ပြီးမို့ လေယာဉ်ပေါ်မှ ဆင်းနိုင်ပြီးဖြစ်ကြောင်း ကြေညာပါတယ်။ အာစီယံသံအမတ်ကြီးများမှာ စည်းကမ်းပြည့်ဝသော ပီအာလ်မြန်မာနိုင်ငံတော်ကြီးကို လေ့လာလိုစိတ်ပြင်းထန်ကာ လေယာဉ်ပေါ်က အပြေးဆင်းကြပါတယ်။
သူတို့ လေယာဉ်လှေခါးတံခါးဝ အရောက်မှာတော့
“အားလုံးခေါင်းတွေငုံ့ထား၊ လက်တွေခေါင်းပေါ်တင်ထား” ဟု
ဟိန်းဟောက်အမိန့်ပေးသံကြီးပေါ်ထွက်လာကာ သူတို့ခေါင်းပေါ်ကို ဒုတ်အချက်ပေါင်းများစွာ ကျရောက်လာပါတော့တယ်။
သူတို့ အားလုံး မြေပြင်ပေါ် နင်းမိသည်နှင့် တပြိုင်ထဲ
“အားလုံး ပုံစံ”
ဟုသော အသံနက်ကြီးထွက်ပေါ်လာကာ ဒူးတုတ်၊ လက်ကိုခေါင်းပေါ်တင်၊ စောင့်ဆောင့် မထိုင် မချင်း နွားရိုက်တဲ့ကြိမ်လုံးကြီးများဖြင့် ဆွမ်းကြီးလောင်းပါတော့တယ်။
အာစီယံခေါင်းဆောင် ဖိလစ်ပိုင် သံအမတ်ကြီးမှာ မိမိတို့နိုင်ငံမှား ဆင်းမိပြီအထင်နဲ့ ထိုင်းသံအမတ်ကြီးကို မျက်ရိပ်ပြကာ မေးမြန်းလိုက်ပါတယ်။ ထိုင်းသံအမတ်ကြီးမှာ နိုင်ငံ မ မှားကြောင်း ဒါဟာ စည်းကမ်းပြည့်ဝသော ပီအာမြန်မာနိုင်ငံတော်စစ်စစ်ဖြစ်ကြောင်း မျက်ရိပ်ပြ ဖြေကြားပါတယ်။
ဖိလစ်ပိုင် သံအမတ်ကြီးမှာ မနေသာတော့ပဲ
ကျွန်ပ်သည် အာစီယံအဖွဲ့ကို ဦးဆောင်သော ဖိလစ်ပိုင် သံအမတ်ကြီးဖြစ်ကြောင်း ပြောပါတယ်။ ထိုင်းသံအမတ်က မြန်မာပြည်မှာ ဝန်ထမ်းများဖြင့် စကားပြောရင် ပုံစံ ရပ်ပြောရကြောင်း သတိပေးလိုက်သဖြင့် ဖိလစ်ပိုင် သံအမတ်ကြီးမှာ ချက်ချင်း လက်နှစ်ဖက်ဖြင့် ငယ်ပါကိုအုပ်ကာလျှက် ပုံစံရပ်ကာ မိမိကိုယ်ကို မိမိ မိတ်ဆက်လိုက်ပါတယ်။
“ကျွန်ပ်တို့ လေယာဉ်ပေါ်တွင် ကြည့်ခဲ့ရသော စည်းကမ်းပြည့်ဝသော ပီအာလ် ပြည်ထောင်စု မြန်မာနိုင်ငံတော်ကြီးနဲ့ လက်ရှိတွေမြင်နေရသော စည်းကမ်းပြည့်ဝသော ပီအာလ် မြန်မာနိုင်ငံတော်ကြီးမှာ ဘာကြောင့်ခုလိုကွာခြားနေရပါသလဲ အဆွေတော်များခင်ဗျား”
ဟု အသံတုန်တုန်ဖြင့်မေးခွန်းထုတ်လိုက်ပါတယ်။
“ဒါကတော့ သံအမတ်ကြီးရယ် ခင်ဗျားတို့ လေယာဉ်ပေါ်မှာ ကြည့်ခဲ့ရတာက ကျုပ်တို့ သတင်းမှန်ပြန်ကြားရေး မြဝတီက ရိုက်ထားတဲ့ ဗီဒီယို ကိုး ဗျာ့” ဟု မစ်စတာ ဇော်မဲလုံး အသံကြီး ထွက်ပေါ်လာလေတော့မှ သံအမတ်ကြီးခင်မျာ သက်ပြင်းရှည်ကြီးချမိလေတော့သတည်း။
