မဲခေါင်၊ ဇူလိုင် ၂၆
ရွေးကောက်ပွဲ အနိုင်ရပြီးနောက် ကမ္ဘောဒီးယား ဝန်ကြီးချုပ်ဟွမ်ဆန်က ဝန်ကြီးချုပ် ရာထူးကို စွန့်လွှတ်တော့မှာ ဖြစ်ပြီး သားအကြီး ဟွမ်မာနတ် ကို လွှဲအပ်တော့မယ်လို့ ဇူလိုင် ၂၆ ရက်နေ့မှာ အတည်ပြု ပြောကြားခဲ့ပါတယ်။
“ဩဂုတ် ၁၀ ရက်နေ့မှာ ဝန်ကြီးချုပ် ရွေးချယ်ပွဲ ကျင်းပပါမယ်။ ဟွမ်မာနက် က ရက်သတ္တပတ် အနည်းငယ် အတွင်း ဝန်ကြီးချုပ် ဖြစ်လာတော့မှာပါ။ ကျွန်တော်က CPP ပါတီရဲ့ ခေါင်းဆောင်အဖြစ် ဆက်တာဝန်ယူပြီး အမျိုးသား ညီလာခံ မန်ဘာ တစ်ဦးအဖြစ် ဆက်ရှိသွားပါမယ်” လို့ ဟွမ်ဆန်က ပြောကြားသွားပါတယ်။
ဟွမ်ဆန်ဟာ သက်တမ်းအရှည်ဆုံး အာဏာရှင် ခေါင်းဆောင် တစ်ဦးဖြစ်ပြီး ကမ္ဘောဒီယားနိုင်ငံကို နှစ်ပေါင်း ၄၀ နီးပါး အုပ်ချုပ်ခဲ့သူဖြစ်ကာ ဇူလိုင် ၂၃ ရက်နေ့ ရွေးကောက်ပွဲမှာ အနိုင်ထပ်ရခဲ့ပါတယ်။
ဒါပေမဲ့ ဒီရွေးကောက်ပွဲမှာ လက်ဝေခံ ပါတီငယ်လေးတွေကိုသာ ပါဝင်ယှဉ်ပြိုင်စေပြီး အဓိက အတိုက်အခံ ပါတီကြီးတွေကို နှိမ့်ကွပ်၊ ပယ်ဖျက် ပြီးမှ ကျင်းပတာဖြစ်လို့ သန့်ရှင်းမျှတခြင်းမရှိ၊ ပွင့်လင်းမြင်သာမှု မရှိတဲ့ ရွေးကောက်ပွဲ အတုသာ ဖြစ်တယ်လို့ ကမ္ဘာက သတ်မှတ်ခြင်း ခံရပါတယ်။
ဟွမ်ဆန်က ဩဂုတ် ၂၁ ရက်နေ့မှာ ပထမဆုံး လွှတ်တော် စတင်မှာဖြစ်ပြီး ဩဂုတ် ၂၂ ရက်နေ့မှာ ကျမ်းသစ္စာ ကျိန်ဆိုမှု ပြုလုပ်မယ်လို့လည်း ထုတ်ပြန်သွားပါတယ်။
MKF-001
#MekongNews
#ဝန်ကြီးချုပ်
#ကမ္ဘောဒီးယား
#CPP_ပါတီ
Ref: asiaone
