ထိုင်းဝန်ကြီးချုပ် ပြန်လုပ်လိုခြင်း မရှိဘူးလို့ သက်ဆင်ပြော
မဲခေါင်၊ ဇန်နဝါရီ ၇
ထိုင်းဝန်ကြီးချုပ်ဟောင်း သက်ဆင်ဟာ မျက်မှောက်ကာလ သမီးဖြစ်သူ ပေထောင်တန် ဝန်ကြီးချုပ်ဖြစ်နေတုန်း နိုင်ငံတော်အဆင့် ဩဇာသက်ရောက်သူအဖြစ် ရုပ်ပြနေမှုများကြောင့် ဝန်ကြီးချုပ်ပြန်ဖြစ်လာနိုင်ကြောင်း သုံးသပ်နေကြပေမယ့် ချင်းရိုင် ခရိုင်အုပ်ချုပ်ရေးမှူး ရွေးချယ်ပွဲ မဲဆွယ်ခရီးစဉ် ရောက်ရှိလာတုန်း နိုင်ငံအကြီးအကဲ ရာထူးပြန်လည်တာဝန်ယူဖို့ မရှိကြောင်း ရှင်းလင်းပြောကြားသွားပါတယ်။
သက်ဆင်က ဝန်ကြီးချုပ်ရာထူး ပြန်မလိုချင်တော့ကြောင်းနဲ့ လက်ရှိဝန်ကြီးချုပ် ဖြစ်တဲ့ သမီးဖြစ်သူရဲ့ မီတာခ လျှော့ချပေးနိုင်ရေး၊ နိုင်ငံတွင်း မိသားစုကြွေးမြီ စိုးရိမ်စရာမြင့်တက်နေခြင်း၊ လူနေမှုအဆင့်အတန်းမြင့်တက်စေခြင်း၊ တိရစ္ဆာန်အစားအစာ၊ ဓာတ်မြေဩဇာ၊ ဆေးဝါး စျေးနှုန်းတွေ ၂၀၂၅ ခုနှစ်အတွင်း ကျဆင်းသွားရေးအတွက်သာ ကြိုးစားစွမ်းဆောင်ပေးသွားမှာဖြစ်တယ်လို့ ဟောပြောခဲ့တာဖြစ်ပါတယ်။
သက်ဆင်ဟာ ကနဦး မီတာခကို ၂၀၂၅ ခုနှစ်အတွင်း တစ်ယူနစ် ၃ . ၅ ဘတ်အထိ လျှော့ချပေးနိုင်ဖို့ ကြိုးပမ်းမှာ ဖြစ်ကြောင်းပြောခဲ့ပေမယ့် ဒီဟောပြောပွဲမှာတော့ ၃ . ၇ ဘတ်အထိ လျှော့ချနိုင်ဖို့ ကြိုးစားပေမယ်လို့ ပြင်ဆင် ပြောဆိုခဲ့သလို နိုင်ငံအတွင်း အိမ်တွင်းကြွေမြီမြင့်တက်နေမှုကိုတော့ ၂ နှစ်အတွင်း လျှော့ချဖြေရှင်းပေးသွားဖို့ ရည်မှန်းထားတယ်လို့ ဆိုပါတယ်။
အစိုးရဘက်နဲ့ အရပ်ဘက် ဝန်ထမ်းတွေ၊ အဖွဲ့အစည်းတွေအကြား နားလည် ချိတ်ဆက် နိုင်မှု အားနည်းနေခြင်းမျိုးကို အဘက်ဘက်က ပူးပေါင်းပြင်ဆင်စွမ်းဆောင်သွားနိုင်မှ ရည်မှန်းချက်တွေ အောင်မြင်မှာဖြစ်မယ်လို့ ပြောကြားသွားခဲ့ပါတယ်။
Ref: straitstimes
#MeKongNews
