မဲခေါင်၊ စက်တင်ဘာ ၂၅
အောက်တိုဘာ ၁ ရက်နေ့ကစလို့ ထိုင်းနိုင်ငံမှာ အနိမ့်ဆုံး တစ်ရက်လုပ်ခ ဘတ် ၄၀၀ ပေးဖို့ ကြေညာထားချက်ကို အစည်းအဝေးညှိနှိုင်းမှု အထမမြောက်လို့ ထပ်မံ ရွှေ့ဆိုင်းကြောင်း ထိုင်းအလုပ်သမားရေးရာဝန်ကြီးဌာန တာဝန်ရှိသူတစ်ယောက်က အသိပေးထုတ်ပြန်ခဲ့ပါတယ်။
လက်ရှိ အာဏာရပါတီ ဖွေထိုင်းဟာ ရွေးကောက်ပွဲ မဲဆွယ်ကတည်းက အနည်းဆုံးတစ်နေ့လုပ်ခ ဘတ် ၄၀၀ ပေးသွားမှာဖြစ်ကြောင်း ကြေညာခဲ့ပြီး လက်ရှိမှာ တစ်ရက် ဘတ် ၃၃၀ ကနေ ၃၇၀ အထိ တိုးပေးထားပြီးဖြစ် ပါတယ်။
ဒါပေမဲ့ လုပ်ငန်းရှင်းတွေ၊ အလုပ်သမားသမဂ္ဂအဖွဲ့အစည်းတွေနဲ့ အလုပ်သမားရေးရာဌာန တာဝန်ရှိသူ တွေဟာ ဒီလထဲ နှစ်ကြိမ်တိုင် အစည်းအဝေးလုပ်ခဲ့ရာမှာ ဘယ်လိုအထမြောက်မှုမျိုးမှ မရနိုင်ခဲ့လို့ အောက်တို ဘာ ၁ ရက်နေ့မှာ အလုပ်သမားအင်အား ၂၀၀ နဲ့အထက် လုပ်ငန်းတွေမှာ တစ်ရက်အနည်းဆုံးလုပ်ခ ဘတ် ၄၀၀ ပေးဖို့ကို အတည်မပြုနိုင်လို့ ရွှေ့ဆိုင်းလိုက် ကြေညာသွားတာဖြစ်ပါတယ်။
ဖွေထိုင်းပါတီဟာ ၂၀၂၇ ခုနှစ်မှာ တစ်ရက်အနိမ့်ဆုံးလုပ်ခကို ဘတ် ၆၀၀ အထိတိုးပေးသွားဖို့ စီမံကိန်းချမှတ် ထားပေမယ့် နိုင်ငံရဲ့ ထုတ်ကုန်ကဏ္ဍ ကျဆင်းနေခြင်းနဲ့ အိမ်ထောင်စုကြွေးမြီ မြင့်တက်လွန်းနေမှုကို ရင်ဆိုင်နေရတာကြောင့် ညှိနှိုင်းမှုအထမမြောက်လို့ ဘတ် ၄၀၀ နှုန်း ပေးဖို့ ရွှေ့ဆိုင်းလိုက်ကြောင်း အလုပ်သမားဝန်ကြီးဌာန က ထုတ်ပြန်သွားတာဖြစ်ပါတယ်။
လက်ရှိ ထိုင်းအစိုးရရဲ့ ပထမဦးစားပေးစီမံကိန်းက ပြည်သူတွေကို တစ်ယောက် ဘတ် ၁၀၀၀၀ ထုတ်ပေးပြီး စုစုပေါင်း ဘတ်ဘီလီယံ ၄၅၀ သုံးစွဲရေးဖြစ်ပါတယ်။
ဒီငွေနဲ့ သုံးအားမြင့်တက်မှ စီးပွားရေးတိုးတက်မှုနှုန်း အနည်းငယ်ပြန်မြင့်တက်လာစေနိုင်ဖို့ ရည်မှန်းထားတာဖြစ်ပြီး စက်တင်ဘာလကုန်ပိုင်းမှာ ပထမအဆင့် ထုတ်ပေးမှု စလုပ်သွားဖို့ စီစဉ်ထားပါတယ်။
Ref: vnexpress
MKF-001
