မဲခေါင်၊ သြဂုတ် ၂၄
ထိုင်းနိုင်ငံ ဖူးခက်မြို့ လူနေထူထပ်ရာအရပ်မှာ သြဂုတ် ၂၃ ရက်က မိုးကြီးပြီး မြေပြိုမှုဖြစ်ပွားခဲ့တာကြောင့် မြန်မာနိုင်ငံသားတစ်ဦးအပါ ၁၀ ယောက်သေဆုံးကြောင်းနဲ့ ၃ ယောက် ပျောက်ဆုံးနေဆဲဖြစ်တယ်လို့ ထိုင်းအာဏာပိုင်တွေက ဩဂုတ် ၂၄ ရက်မှာ ကြေညာပါတယ်။
ဖူးခက်ရဲတပ်ဖွဲ့က မြေပြိုမှုမှာ ရုရှားစုံတွဲတစ်တွဲ၊ မြန်မာနိုင်ငံသားတစ်ယောက်နဲ့ ထိုင်းနိုင်ငံသားပေါင်း ၁၀ ယောက်သေဆုံးပြီး ၃ ယောက်ပျောက်ဆုံးနေသလို ၁၉ ယောက် ဒဏ်ရာရခဲ့တယ်လို့ ထုတ်ပြန်ပါတယ်။
ဒီမိုးကြီးရေလျှံမြေပြိုမှုတွေကြောင့် ခရိုင် ၃ ခုမှာ မိသားစု ၂၀၀၊ လူပေါင်း ၄၀၀ ကို သက်ရောက်ထိခိုက်စေခဲ့ပြီး လူမှုကွန်ရက်ပေါ်က ရုပ်သံမှတ်တမ်းတွေအရ ရွှ့နွံတွေ ပြိုကျစီးဆင်းမှုထဲကနေ လူတွေကို ကယ်ဆယ်နေကြပုံ ကိုလည်း မြင်တွေ့ကြရပါတယ်။
ဒီတစ်ပတ်ထဲ ထိုင်းနိုင်ငံတောင်ပိုင်းကမ်းခြေဒေသတွေမှာ မုန်သုံမိုး သည်းထန်စွာ ဆက်တိုက်ရွာသွန်းခဲ့တာ ကြောင့် ရေကြီးရေလျှံ၊ မြေပြိုမှုတွေဖြစ်ပွားတာဖြစ်ပါတယ်။
၂၀၁၁ ခုနှစ်ကလည်း ထိုင်းနိုင်ငံမှာ ဆိုးရွားတဲ့ ရေကြီးမှုဖြစ်ပွားခဲ့ပြီး လူပေါင်း ၅၀၀ ကျော်သေဆုံးကာ သန်းပေါင်းများစွာတန်တဲ့ ပျက်ဆီးဆုံးရှုံးမှုတွေ ဖြစ်ပေါ်ခဲ့ပါတယ်။
Ref: malaymail
MKF-001
