မဲခေါင်၊ ဧပြီ ၁၁
မြ၀တီ ၂၇၅ တပ်က စစ်သား ၂၀၀ အမှတ် (၂) ချစ်ကြည်ရေးတံတားကို ထွက်ပြေးရောက်ရှိနေချိန် ထိုင်းဝန်ကြီးချုပ် ဆရတ်သာက မြ၀တီစစ်ပွဲဟာ ပြည်တွင်းရေးဖြစ်တာကြောင့် ထိုင်းလေပိုင်နက်ကို ကျူးကျော် အသုံးပြုတာကို လက်ခံမှာမဟုတ်ဘဲ F 16 တိုက်လေယာဉ်တွေ အသင့်အနေအထားပြင်ဆင်ထားတယ်လို့ ထုတ်ပြန် ပြောဆိုသွားပါတယ်။
KNU၊ KNU-PC နဲ့ PDF တပ်ပေါင်းစုတွေဟာ ဧပြီ ၁၀ ရက်ညကတည်းက ၂၇၅ တပ်ကို သိမ်းပိုက်နိုင်ခဲ့ပြီး မြ၀တီမှာ စစ်ကောင်စီတပ်စခန်းအားလုံး ကျဆုံးပြီး မြို့ပေါ်က ပြည်သူတွေဟာလည်း စစ်ကောင်စီဗုံးလာကြဲမှာ ထိတ်လန့်လို့ ဒုက္ခသည်စခန်းတွေနဲ့ မဲဆောက်ကို အမှတ် (၁) ချစ်ကြည်ရေးတံတားပေါ်ကနေ ဖြတ်ပြီး အများအပြား ကူးလာနေ တာတွေ့ရပါတယ်။
ဒီအခြေအနေမှာ ဆရတ်သာက “တစ်ဖက်က တိုက်ပွဲဟာ သူတို့ပြည်တွင်းရေးသာဖြစ်တယ်။ အိမ်နီးချင်းဖြစ်လို့ စစ်ဘေးရှောင် တွေကို လူသားချင်းစာနာနားလည်မှုအကူအညီပေးရပါမယ်။ ဒါပေမဲ့ အလုံးအရင် ထိုင်နိုင်ငံထဲကို ဝင်လာမယ့်အခြေအနေကိုလည်း မျက်ခြေမပြတ်စောင့်ကြည့်နေတယ်။ ထိုင်းလေပိုင်နက်ထဲကို ကျူးကျော်ဝင်ရောက်ခွင့် ပြုမှာမဟုတ်ပါဘူး။ F 16 လေယာဉ်တွေကို အသင့်ပြင်ထားတယ်” လို့ ပြောကြား သွားပါတယ်။
Ref:The Reporters
MKF-001
