မဲခေါင်၊ ဇန်န၀ါရီ ၂၉
ရုရှား ခြိမ်းခြောက်မှုမြင့်တက်လာလို့ ယူကေမှာ အမေရိကန် နျူကလီးယားလက်နက်စခန်း အထိုင်ချဖို့ ပြင်ဆင် ဇန်နဝါရီ ၂၆ ရက်နေ့က အေဒင်ပယ်လယ်ကွေမှာမောင်းနှင်လာတဲ့ ဗြိတိန် ရေနံတင်သင်္ဘော မာလင်လူရန်ဒါ ကုန်းပတ်ပေါ်ကို ယီမင်နိုင်ငံ အေဒင်မြို့ကနေ အီရန်ထောက်ပံ့ ဟူသီသူပုန်တွေ ပစ်ခတ်လိုက်တဲ့ ဒုံးကျည် ကုန်ပတ်ပေါ်ကျပြီး မီးလောင်ခဲ့ပါတယ်။
ဗြိတိန်ရေကြောင်းကုန်သွယ်ရေးအော်ပရေးရှင်းဌာန UKMTO က ဇန်နဝါရီ ၂၇ ရက်မနက်အထိ သင်္ဘော ကုန်းပတ်ပေါ် မီးလောင်နေတာကို မော်တော်ဘုတ်အကူအညီတွေနဲ့ ငြိမ်းသတ်နေဆဲဖြစ်ကြောင်း၊ သေဆုံးဒဏ်ရာ ရမှုမရှိဘူးလို့ ဆိုပါတယ်။
သင်္ဘောဆီကို အေဒင်မြို့အရှေ့တောင်ဘက် ရေမိုင် ၆၀ အကွာကနေ ပစ်ခတ်လာတာဖြစ်လို့ အနီး အနားက တခြားသင်္ဘောတွေကိုပါ အန္တရာယ်ရှောင်တိမ်းနိုင်ဖို့ ထုတ်ပြန်သတိပေးခဲ့ကြောင်း၊ အမေရိကန် ရေတပ် က ဟူသီတွေပစ်ခတ်တဲ့ ဒရုန်းနဲ့ ဒုံးကျည်တချို့ကို ပစ်ခတ်ဖျက်ချနိုင်ခဲ့ပေမယ့် ဒုံးကျည်တစ်လုံး လာရောက်ထိမှန် တာဖြစ်တယ်လို့ ထုတ်ပြန်သွားပါတယ်။
ဟူသီသူပုန်ဘက်ကလည်း ယီမင်နိုင်ငံထဲက သူတို့ အခြေစိုက်စခန်းတွေကို အမေရိကန်နဲ့ဗြိတိန်က လေကြောင်း တိုက်ခိုက်မှုတွေလုပ်လို့ လက်စားချေတုံ့ပြန်တာဖြစ်တယ်လို့ တုံ့ပြန်သွားပါတယ်။
အမေရိကန်နဲ့ ဗြိတိန်ဘက်က ဒီဖြစ်စဉ်ဖြစ်အပြီး ယီမင်နိုင်ငံထဲက ဟူသီစခန်းတွေကို လေကြောင်းတိုက်ခိုက်မှု ချက်ချင်းပြုလုပ်ခဲ့ပြီး အမေရိကန် ရေတပ်ဝန်ကြီး ကားလို့စ်ဒယ်တိုရိုက အေဒင်ပယ်လယ်ကွေ့မှာ တရုတ်သင်္ဘောတွေလည်းရှိနေပေမယ့် အရေးပေါ် ကယ်ဆယ်ရေး အချက်ပြမှုတွေကို ကုန်တင်သင်္ဘောတွေက ပေးပို့ရာမှာ ကျင့်ဝတ်ပျက်ကွက်လို့ မသိကျွိုးကျွံ နေခဲ့ ကြတယ်လို့ စွပ်စွဲဝေဖန်သွားပါတယ်။
ဟူသီဟာ အမေရိကန်နဲ့မဟာမိတ်တွေကို တွန်းလှန်ဖို့ ရုရှားနဲ့လည်း ပူးပေါင်းဆွေးနွေးမှုတွေ လုပ်နေကြောင်း သတင်းတွေ ထွက်ပေါ်လာတဲ့အတွက် အမေရိကန်ဟာ ဗြိတိန်မှာ နျူကလီးယားလက်နက်အခြေစိုက် ထားရှိမှုကို လုပ်ဆောင်ဖို့ ပြင်ဆင်နေပြီဖြစ်ကြောင်းလည်း ပင်တဂွန်သတင်းအချက်အလက် ပေါက်ကြားမှုတွေအရ သိရှိရ ပါတယ်။
Ref:Thesun
MKF-001
#MeKongNews
#ဗြိတိန်
#မီးလောင်
#ဟူသီ
#သူပုန်
#ဒုံးကျည်