မဲခေါင်၊ ဇန်နဝါရီ ၃၁
ပါကစ္စတန်ဝန်ကြီးချုပ်ဟောင်း အမ်ရန်ခန်းကို အစ္စလာမာဘက် တရားရုံးချုပ်က နိုင်ငံတော်လျှို့ဝှက်ချက် ပေါက်ကြားမှုနဲ့ ဇန်နဝါရီ ၃၀ ရက်နေ့မှာ ထောင်ဒဏ် ၁၀ နှစ်ချမှတ်လိုက်ပြီဖြစ်ပါတယ်။
၁၉၈၀ နဲ့ ၁၉၉၀ ပြည့်လွန်နှစ်တွေကြား ပါကစ္စတန်ခရစ်ကတ်အသင်းခေါင်းဆောင်အဖြစ် ပြည်သူ့အချစ်တော်ဖြစ်ခဲ့တဲ့ အမ်ရန်ခန်း ၂၀၂၂ ခုနှစ် ဧပြီလက ပါကစ္စတန်လွှတ်တော်မှာ အယုံအကြည်မရှိုအဆိုတင်သွင်းပြီး ဝန်ကြီးချုပ်ရာထူးက ဖယ်ရှားခဲ့သလို နိုင်ငံ အကျင့်ပျက်ခြစားမှုတိုက်ဖျက်ရေးကော်မရှင်က ဝန်ကြီးချုပ်အဖြစ်တာဝန်ယူခဲ့စဉ် ရရှိတဲ့ လက်ဆောင်တွေကို ရောင်းစားခဲ့တယ်ဆိုပြီး ထောင်ဒဏ် ၃ နှစ်ချမှတ်ခဲ့ပါတယ်။
ဒါကြောင့် နိုင်ငံတစ်ဝန်း အမ်ရန်ခန်းထောက်ခံသူနဲ့ သူ့ပါတီ Tehreek-e-Insaf အဖွွဲ့ဝင်တွေဟာ နိုင်ငံတစ်ဝန်း ဆူပူ အုံကြွမှုဖြစ်တဲ့အထိ ဆန္ဒပြခဲ့ကြပြီး ၂၀၂၃ ခုနှစ်မေလမှာ ရဲအင်အား အလုံးအရင်းသုံးပြီး ဖမ်းဆီးခေါ်ဆောင် လို့ ထောင်သွင်းအကျဉ်းချခဲ့တာဖြစ်ပါတယ်။
အမ်ရန်ခန်းဟာ လက်ရှိ နိုင်ငံတော် အာဏာယူထားတဲ့ စစ်တပ် ထောက်ခံ ဝန်ကြီးချုပ် ရှာဘက်ဇ်ရှရစ်ဖ်ဟာ လူထုမိန့်ခွန်းပြောပွဲတစ်ခုမှာ ခြေသလုံးကို ကျည်ဆံဖောက်ဝင်သွား စေတဲ့ လုပ်ကြံမှုနောက်က ခိုင်းစေသူလို့ စွပ်စွဲထားပြီး အခု နောက်ဆုံး စီရင်ချက်ချမှုမှာ အမ်ရန်ခန်းနဲ့ လက်ထောက်ပါတီခေါင်းဆောင်တို့ ၂ ဦးစလုံးကို ထောင်ဒဏ် ၁၀ နှစ် ထပ်မံချမှတ်လိုက်တာဖြစ်ပါတယ်။
အမ်ရန်ခန်းရဲ့ ရှေ့နေကတော့ ရှက်စရာ မျက်နှာပြောင်တိုက် လုပ်ကြံမှုလို့ ဝေဖန်ခဲ့ပါတယ်။ လာမယ့် ဖေဖော်ဝါရီ ၈ ရက်နေ့မှာ ပါကစ္စတန် ရွေးကောက်ပွဲကြီးရှိလို့ ရွေးကောက်ပွဲမတိုင်မီ လက်ရှိ အာဏာရ အစိုးရအဖွဲ့က အမ်ရန်ခန်းကို ထောင်ဒဏ် ကြီးလေးစွာချမှတ်လိုက်တာဖြစ်တယ်လို့လည်း သုံးသပ်နေကြပါတယ်။
Ref:Thesun
MKF-001
#MeKongNews
#ပါကစ္စတန်
#အမ်ရန်ခန်း
#ဝန်ချုပ်ဟောင်း