မဲခေါင်မြစ်ဖြတ်ပြီး မူးယစ်ဆေးပို့သူ လူငယ်အား ထိုင်းအာဏာပိုင်များ ဖမ်းမိ
မဲခေါင်၊ ဖေဖော်ဝါရီ ၃
မဲခေါင်မြစ်ကို လှေနှင့်ဖြတ်ပြီး စိတ်ကြွဆေးပြား ၂.၄ သန်း သယ်ဆောင်လာသူအား ထိုင်းနယ်စပ်လုံခြုံရေးတပ်က ယနေ့ (ဖေဖော်ဝါရီ ၃) မနက်ပိုင်းက ဖမ်းဆီးလိုက်ကြောင်း ထိုင်းသတင်းများတွင် ဖော်ပြသည်။
လာအိုနိုင်ငံဘက်ခြမ်းမှ လှေနှင့်ဖြတ်ပြီး မူးယစ်ဆေးသယ်လာသူနှင့် ထိုင်းနိုင်ငံဘက်ခြမ်းတွင် သုံးယောက်က ကားပေါ်တင်နေကြောင်း အာဏာပိုင်များက သတင်းရပြီး ဝင်ရောက်ဖမ်းဆီးမှုတွင် မြစ်ကိုဖြတ်ပြီး သယ်လာသူတစ်ဦးသာ ဖမ်းမိခဲ့သည်။
ဖမ်းမိသည့် တစ်ယောက်သည် အသက် ၁၆ နှစ်သာရှိသေးပြီး အိတ်အမည်းများနှင့် ထုပ်ထားသည့် မူးယစ်ဆေး ၂ . ၄ သန်းကို ဖမ်းမိခဲ့ခြင်းဖြစ်ကြောင်း ထိုင်းသတင်းများတွင် ဖော်ပြသည်။
ကျန်နှစ်ယောက်၏ အခြေအနေအား ဖော်ပြခြင်းမရှိသလို ဖမ်းမိသည့် လူငယ်သည်လည်း မည့်သည့် နိုင်ငံသားဖြစ်သည်ကို ရှင်းရှင်းလင်းလင်း မသိရပါ။
လာအိုနိုင်ငံနှင့် နယ်နိမိတ်ချင်း ထိစပ်နေသည့် ထိုင်းနိုင်ငံ၊ နောင်ခိုင်ခရိုင်အတွင်းမှာလည်း မူးယစ်ဆေးဝါးမှောင်ခို သယ်ဆောင်မှုများ တိုက်ဖျက်ရေးကို ထိုင်းအာဏာပိုင်များက တိုးချဲ့လုပ်ဆောင်နေပြီး ရွာခံများကိုလည်း မသင်္ကာဖွယ်တွေ့ရှိမှုများအား သတင်းပေးရန် နှိုးဆော်ထားသည်။
Ref: matichon
ကိုကလင်း
#MeKongNews
