အဝတ်လျှော်ဆိုင်ထဲက အမျိုးသမီးအတွင်းခံ ခိုးသွားတဲ့ ထိုင်းအမျိုးသား ပြန်လာထားပြီး တောင်းပန်စာနဲ့ နစ်နာကြေး ဘတ် ၁၀၀၀ ပေး
မဲခေါင်၊ နိုဝင်ဘာ ၁၈
ထိုင်းနိုင်ငံ ပတ္တရားမြို့ အဝတ်လျှော်ဆိုင်ထဲ ထိုင်းအမျိုးသား တစ်ဦး လူရှင်းတုန်းဝင်ရောက်လာပြီး အဝတ်ထည့်တဲ့ ခြင်းတစ်လုံးထဲက အမျိုးသမီး အတွင်းခံတစ်ထည်ကို ဘောင်းဘီ အိတ်ထဲ ထည့်ခိုးသွားခဲ့မှု နိုဝင်ဘာ ၁၁ ရက်မှာ ဖြစ်ပွားခဲ့ပါတယ်။
ဒီအမျိုးသားဟာ ညပိုင်း အဝတ်လျှော်ဆိုင်ကို ပြန်လာလို့ အတွင်းခံနဲ့ တောင်းပန်စာတစ်စောင်အပြင် နစ်နာသူအတွက်ရော မိမိကိုယ်ကို အပြစ်ပေးတဲ့ အနေနဲ့ ဘတ် ၁၀၀၀ ပါ ပြန်ပေးခဲ့ပါတယ်။
ခိုးယူနေစဉ် ဆိုင်ဝန်ထမ်းအမျိုးသမီးတစ်ယောက် ရောက်လာပြီး မသင်္ကာလို့ မေးမြန်းရာမှာ သူ့အဝတ်အစားတွေကို လျှော်ဖို့သာ လုပ်တာလို့ ဒီအမျိုးသားက ငြင်းဆိုပြီး ဆိုင်ထဲက ထွက်သွားခဲ့တာ ဖြစ်ပါတယ်။
တောင်းပန်စာမှာတော့ သူ့ကြောင့် တပါးသူတွေ စိတ်ဆင်းရဲစရာဖြစ်ခဲ့လို့ ဆိုင်ပိုင်ရှင်နဲ့ အတွင်းခံပိုင်ရှင်ကို အထူး တောင်းပန်ပါကြောင်း၊ ကိုယ့်ကိုယ်ကိုယ်အပြစ်ပေးခြင်းနဲ့ သင်ယူမှုအဖြစ် ဘတ် ၁၀၀၀ နစ်နာကြေး ပေးခဲ့တာ ဖြစ်ကြောင်းနဲ့ ရဲတိုင်ကြားတာမျိုး၊ လူသိရှင်ကြား မလုပ်ဖို့ တောင်းပန်ခဲ့တာ ဖြစ်ပါတယ်။
ဒါပေမဲ့ ဆိုင်ပိုင်ရှင်က နောက်နောင် ဒီလိုလုပ်ရပ်မျိုးတွေ အတုခိုးမှားလုပ်မှာကို တားမြစ်လိုတဲ့ စိတ်နဲ့ဆိုပြီး ရဲစခန်းကို CCTV မှတ်တမ်းနဲ့တကွ ပေးခဲ့တဲ့ စာပါ သွားပို့ပြီး တိုင်ကြားခဲ့သလို ဒေသတွင်း မီဒီယာတွေကိုပါ ဗီဒီယို သက်သေမှတ်တမ်း ထုတ်ပေးခဲ့လို့ ထိုင်းသတင်းတွေမှာ ဟိုးလေးတကျော် ပါဝင်ဖော်ပြခဲ့ကြတာ ဖြစ်ပါတယ်။
Ref:Amarintvhd
MKF-001
#MeKongNews
