မဲခေါင်၊ စက်တင်ဘာ ၂၇
ပြီးခဲ့တဲ့ ပဲရစ်အိုလံပစ်ပြိုင်ပွဲမှာ ထိုင်းနိုင်ငံကိုယ်စားပြုပြီး ယှဉ်ပြိုင်ခဲ့ရာက တိုက်ကွမ်ဒိုပြိုင်ပွဲမှာ ရွှေတံဆိပ်ရခဲ့တဲ့ ပါနီပက်ဟာ စက်တင်ဘာ ၂၆ ရက်နေ့မှာပဲ ဆုတောင်းခဲ့စဉ်က ကတိအတိုင်း ဘုရားကျောင်းမှာ ကြက်ဥပြုတ် ၁ သိန်း သွားရောက် ကပ်လှူခဲ့ပါတယ်။
ထိုင်းနိုင်ငံဂုဏ်ဆောင် အားကစားမယ်လေး ပါနီပက်ဟာ ပြိုင်ပွဲမသွားခင် ချာချိုအန်ဆာအိုခရိုင်က ဝပ်ဆိုသွမ်ဝါရာဝမ်ဘုရားကျောင်းကိုသွားပြီး ရွှေတံဆိပ်ရခဲ့ရင် ကြက်ဥပြုတ် အလုံး ၁ သိန်း ကပ်လှူပါ့မယ်လို့ ဆုပန်ရည်စူးခဲ့တာ ဖြစ်ပါတယ်။
ဒါကြောင့် သွားရောက် ကပ်လှူရာမှာ ဘုရားကျောင်းက ဘုန်းတော်ကြီးက ၉ လက်မမြင့်တဲ့ လောင်ဖိုဆိုသွန် ရုပ်ဆင်းတု၊ ရွှေလည်ဆွဲနဲ့ ဘုရားကျောင်းရဲ့ တန်ခိုးကြီးရွှေအိတ် အဆောင်ကို ပြန်လည်ပေးအပ်ပြီး ဆုပေးခဲ့ ပါတယ်။
ကပ်လှူခဲ့တဲ့ ကြက်ဥပြုတ် ၁ သိန်း ကိုတော့ ကပ်ပြီးသိပ်မကြာခင် အနီးအနားက စာသင်ကျောင်း ပေါင်း ၂၀ မှာ ပြန်လည် ဝေငှပေးခဲ့ပါတယ်။
Ref: The Nation Thailand
MKF-001
