မဲခေါင်၊ စက်တင်ဘာ ၂၅
စက်တင်ဘာ ၂၄ ရက်နေ့က ထိုင်းနိုင်ငံ ပသမ်ဌာနီခရိုင် ချိုင်ဝက်နွိုင်ခရိုင်ခွဲမှာ အမေရိကန်မျိုးနွယ်ဖြစ်တဲ့ ခွေးဘီလူးကိုက်လို့ အသက် ၆၇ နှစ်အရွယ် ထိုင်းအမျိုးသမီးကြီး သေဆုံးခဲ့ရပါတယ်။
ဒေသစံတော်ချိန် မွန်းလွဲ ၃ နာရီခွဲမှာ လမ်းပေါ်စက်ဘီးစီးလာတဲ့ အမျိုးသမီးကြီးကို ဒီခွေးဘီလူးက လိုက်ကိုက်လို့ စက်ဘီးလဲကျသွားပြီး ခြေထောက်နဲ့ ဘယ်ဘက်လက်မောင်းနေရာတွေကို ကိုက်ခဲ့လို့ သွေးအလိမ်းလိမ်းနဲ့ လမ်းပေါ် လဲကျခဲ့ရတာ ဖြစ်ပါတယ်။
သားဖြစ်သူက တွေ့ရှိသွားပြီး ခွေးကို မောင်းထုတ်ခဲ့ပြီးနောက် အနီးအနားက စျေးဆိုင်ကနေ အကူအညီတောင်း လို့ အရေးပေါ်ကားခေါ်ရာမှာ ရောက်လာချိန် မိခင်အသက်မမီတော့တာဖြစ်ပါတယ်။
ဒီအမှုကို ဆမ်ကောက် ရဲစခလန်းက စုံစမ်းစစ်ဆေးနေရာမှာ ခွေးပိုင်ရှင်ဖြစ်တဲ့ ၄၈ နှစ်အရွယ် အမျိုးသမီးက သူ့ခွေးဟာ အရင် ဒီလို ရန်လိုပြီးကိုက်တာမရှိပေမယ့် ဒီရက်ပိုင်းထဲ ဒေါသထွက်ပြီး တိုက်ခိုက်ချင်စိတ်များလာကြောင်းနဲ့ ဦးလေးတော် စပ်သူကိုပါ ကိုက်ခဲ့ကြောင်း၊ လှောင်အိမ်ထဲ ပိတ်ထားပေမယ့် လွတ်ထွက်သွားပြီး အမျိုးသမီးကြီးကို လမ်းပေါ် ထွက်ကိုက်ခဲ့တာဖြစ်နိုင်တယ်လို့ ထွက်ဆိုသွားခဲ့ပါတယ်။
Ref: Khaosod
MKF-001
