မဲခေါင်၊ စက်တင်ဘာ ၉
ထိုင်းနိုင်ငံ ဆူရတ်ဌာနီခရိုင်မှာ မြန်မာရွှေ့ပြောင်းလုပ်သားတွေရဲ့ သားသမီးတွေတက်တဲ့ မြန်မာစာသင်ကျောင်း မေတ္တာရိပ် စာသင်ကျောင်းကို ထိုင်းအာဏာပိုင်တွေက ပိတ်သိမ်းလိုက်ပြီးနောက် ဒီခရိုင်ထဲမှာ အလားတူ တရား မဝင်ဖွင့်လှစ်ထားတဲ့ နောက်ထပ် မြန်မာစာသင်ကျောင်း ၅ ကျောင်းကိုပါ ထပ်မံ စုံစမ်းပိတ်သိမ်းလိုက်မှုအပေါ် ထိုင်း အလုပ်သမားကာကွယ်ရေးကွန်ရက် (LPN) ဒါရိုက်တာ ဆွန်ပေါင်ဆရာကရူးက ဆန့်ကျင် ရှုတ်ချလိုက်ပါ တယ်။
မေတ္တာရိပ်စာသင်ကျောင်းဟာ ကျောင်းမတက်ခင် ထိုင်းနိုင်ငံတော်သီချင်းသီဆိုအပြီး မြန်မာနိုင်ငံတော်သီချင်းပါ သီဆိုစေတဲ့ ဗီဒီယိုဖိုင်ဟာ ထိုင်းလူမှုကွန်ရက်တွေပေါ် ပျံ့နှံ့ပြီး မကျေမနပ်ဖြစ်မှုတွေနဲ့ တိုင်ကြားမှုတွေရှိလာတဲ့ အတွက် ထိုင်း ပညာရေးဝန်ကြီးဌာနက ဒေသဆိုင်ရာအာဏာပိုင်တွေကို စုံစမ်းစစ်ဆေး အရေးယူဖို့ အမိန့်ထုတ်ခဲ့ရာက အထောက်အထားမရှိ၊ တရားမဝင်ဖွင့်လှစ်ထားတဲ့ကျောင်းဖြစ်ကြောင်း စုံစမ်းသိရှိရပြီး ကျောင်း ထူထောင်သူနဲ့ ဝန်ထမ်းဆရာဆရာမတွေကိုပါ အရေးယူဖို့နဲ့ ကျောင်းကိုလည်း ပိတ်ပစ်လိုက်ပါတယ်။
ဒါ့အပြင် ဒီလိုကျောင်းမျိုးတွေ ခရိုင်တွင်းမှာ ရှိနေသေးတာကို ထပ်ပြီး ဖော်ထုတ်ပိတ်ပင်ဖို့ပါ အမိန့်ထုတ်ရာက မြန်မာ ကျောင်းသားကျောင်းသူပေါင်း ထောင်ပေါင်းများစွာ အားကိုးတက်ရောက်နေရတဲ့ ရွှေပြောင်းလုပ်သား စာသင် ကျောင်း ၆ ခု အထိ ပိတ်သိမ်းခံလိုက်ရတာဖြစ်ပါတယ်။
ထိုင်း ပညာရေးဝန်ကြီးဌာနလုပ်ရပ်ကို ထိုင်းအလုပ်သမားကာကွယ်ရေးကွန်ရက် LPN ဒါရိုက်တာ ဆွန်ပေါင်ဆရာကရူးက အစိုးရမှာ ရွှေ့ပြောင်းလုပ်သား သားသမီးများ ပညာသင်ကြားရေးကို ကူညီထောက်ပံ့သင့်ပေမယ့် အခုလို ကျောင်းတွေ လိုက်ပိတ်ပြီး အရေးယူခြင်းဟာ လုံး၀ဆန့်ကျင်ရှုတ်ချစရာလို့ ထုတ်ပြန်သွား ပါတယ်။
Ref: bangkokpost
MKF-001
