မဲခေါင်၊ မေ ၁၇
ထိုင်းနိုင်ငံ ပြည်ပခရီးသွားတွေအလာများတဲ့ ကို့ဖန်ဂန်ဒေသမှာ တရားမဝင်နေ့ ကလေးထိန်းကျောင်း ဖွင့်လှစ်မှု၊ မော်တော်ဘုတ်နောက်က ရေလွှာလျှောစီး ဘုတ်စီးသင်တန်းဖွင့်မှုတွေ လုပ်နေတဲ့ နေရာကို ထိုင်းပြည်ပခရီးသွား ရဲတပ်ဖွဲ့က မေ ၁၅ ရက်မှာ ဝင်ရောက်ဖမ်းဆီးရာက ၁၈ နှစ်အရွယ် မြန်မာအမျိုးသမီးတစ်ဦးအပါအဝင် နိုင်ငံခြား သားတွေ ဖမ်းဆီးခံခဲ့ရပါတယ်။
နေ့ကလေးထိန်းကျောင်းကို ဖမ်းဆီးရာမှာ တရားမဝင် နိုင်ငံခြားသားကလေးငယ်တွေကို ၂၆ နှစ်အရွယ် ရုရှား အမျိုးသမီးတစ်ဦးနဲ့ မြန်မာအကူလုပ်သားအမျိုးသမီးငယ်ကို ဖမ်းဆီးရမိခဲ့ပြီး ရုရှားအမျိုးသမီးက တိုးရစ်ဗီဇာ နဲ့လာတုန်း ဒီအလုပ်ကို လွန်ခဲ့တဲ့ ၃ လက စတင်လုပ်ဆောင်ခဲ့တာဖြစ်တယ်လို့ ဝန်ခံခဲ့ပါတယ်။
မြန်မာအမျိုး သမီးငယ်ကတော့ ဒီအလုပ်လုပ်တာ ၁ နှစ်ရှိပြီဖြစ်ကြောင်း၊ သူတို့ ၂ ယောက်စလုံးကို ကလေးထိန်းကျောင်းပိုင်ရှင် ဘီလာရုစ်အမျိုးသမီးက ခေါ်ယူခန့်အပ်ခဲ့တာလို့ ထွက်ဆိုခဲ့ကြပါတယ်။
ဒီလုပ်ငန်းနဲ့တွဲဆက်နေတဲ့ ရေလွှာလျှောစီးသင်တန်း Back & Forth Wake Park ထူထောင်ထားရာမှာ တိုးရစ် ဗီဇာနဲ့ပဲ ဝင်လာတဲ့ ရုရှားသားတစ်ယောက်ကို တရားမဝင် ဆိုင်ခန်းဖွင့်ထားမှုနဲ့ ဖမ်းဆီးရမိပြီး သူငှားထားတဲ့ အနားယူအပန်းဖြေခန်းဆောက်လုပ်နေတဲ့ ယူကရိန်းသားတစ်ယောက်နဲ့ မော်ဒိုဗာသားအမျိုးသားတစ်ယောက် ကို ထပ်မံဖမ်းဆီးခဲ့ပါတယ်။
ကျန်နိုင်ငံခြားသားအားလုံးကို တရားမဝင်အလုပ်လုပ်ကိုင်မှုနဲ့ စွဲချက်တင်ထားပြီး မြန်မာအမျိုးသမီးငယ်ကိုတော့ အလုပ်နဲ့ပတ်သက်တဲ့ သတင်းပေးတင်ပြမှု မလုပ်တဲ့ စွဲချက်တင်ခဲ့ကြောင်း သိရှိရပါတယ်။
Ref:Bangkokpost
MKF-001
