မဲခေါင်၊ ဧပြီ ၉
ထိုင်းတော်ဝင်ရဲတပ်ဖွဲ့က အွန်လိုင်းလိမ်လည်မှုလုပ်ငန်းပေါင်းစုံထဲမှာ အွန်လိုင်းလိမ်လည် ပစ္စည်းရောင်းချရေးလုပ်ငန်းတွေက အဆိုးရွားဆုံးဖြစ်နေသေးပြီး ၂၀၂၄ ပထမ ၃ လပတ်အတွင်းမှာပဲ နိုင်ငံတစ်ဝန်း လိမ်လည်ခံရမှုတန်ကြေး ဘတ် ၁ .၀၂ ဘီလီယံရှိခဲ့တယ်လို့ ဧပြီ ၈ ရက်နေ့မှာ ထုတ်ပြန်သွားပါတယ်။
စားသုံးသူအပေါ် လိမ်လည်မှု (Consumer fraud) ဆိုတာ အွန်လိုင်းကနေ ပစ္စည်းပေါင်းစုံကို လိမ်လည်ရောင်းချ ခြင်းကနေ ပစ္စည်းမှာအပြီး ငွေယူကာ မပို့ပေးတဲ့ ဖြစ်စဉ်တွေကို ရည်ရွယ်တာဖြစ်ပါတယ်။ ထိုင်းအစိုးရအဖွဲ့ ဒုတိယပြောရေးဆိုခွင့်ရှိသူ ကိုရွမ်ပိုပေါ့ကလန်က ပထမ ၃ လပတ်အတွင်း အွန်လိုင်းလိမ်လည်မှု ပေါင်းစုံကနေ လိမ်လည်မှုပေါင်း ၂၆၅၀၇ မှုဖြစ်ပွားခဲ့ကြောင်း၊ စုစုပေါင်း လိမ်လည်ခံရတဲ့ ငွေကြေးက ဘတ် ၄ . ၆၅ ဘီလီယံရှိပြီး တစ်ရက်မှာ ဘတ် ၁၄၉ သန်းနှုန်းရှိခဲ့တယ်လို့ ထုတ်ပြန်ပြောဆိုပါတယ်။
အွန်လိုင်းလိမ်လည်မှုတွေထဲမှာ ပေါ်ပျူလာဖြစ်တဲ့ လိမ်လည်မှုတစ်ခုက အပိုဝင်ငွေရစေဖို့ ငွေကြေးလိမ်လည် ရင်းနှီးမြှုပ်နှံခိုင်တာဖြစ်ကာ ဒီလုပ်ငန်းကနေ ၃ လအတွင်း ဘတ် ၄၆၆ သန်း ဆုံးရှုံးခဲ့ရပါတယ်။
ဒီလိမ်လည်မှု ပြီးရင် မူလသတ်မှတ်အတိုးနှုန်းထက် ပိုများလွန်းတဲ့ ငွေချေးလုပ်ငန်းတွေကနေ ဆုံးရှုံးမှု ဘတ် ၁၁၂ သန်း၊ ဒစ်ဂျစ်တယ်ကုန်ပစ္စည်းလုပ်ငန်းတွေမှာ ရင်းနှီးမြှုပ်နှံဖို့ စွဲဆောင်မှုတွေကနေ ဘတ် ၁ . ၁ ဘီလီယံ၊ ကျားဖြန့် လုပ်ငန်းတွေကနေ ဆုံးရှုံးမှု ဘတ် ၂၉၈ သန်း ရှိခဲ့ပါတယ်။
ဒါကြောင့် မသင်္ကာဖွယ်ရာ အွန်လိုင်းငွေလိမ်မှုပတ်သက်တဲ့ ဘဏ်အကောင့် ၂၈၂၃၃ ခုကို မတ်လအတွင်း ပိတ်ပင် ခဲ့ပြီး ဒီဒုစရိုက်လုပ်ငန်းကနေ ဖမ်းဆီးသိမ်းယူမှုအဖြစ် ငွေသား ဘတ် ၅၈၈ သန်းနဲ့ စုစုပေါင်း ပစ္စည်းသိမ်းမှုအပါ ဘတ် ၁ ဘီလီယံဝန်းကျင်ကို သိမ်းဆည်းနိုင်ခဲ့တယ်လို့ ထိုင်းတော်ဝင် ရဲတပ်ဖွဲ့က ထုတ်ပြန်သွားပါတယ်။
Ref:Bangkokpost
MKF-001
