မဲခေါင်၊ ဇူလိုင် ၂၀
၂ နှစ်အတွင်း အထူးစစ်ဆင်ရေးတပ်ဖွဲ့ S.O.F က (၈၇) ကြိမ်ခန့် တိုက်ပွဲဆင်နွှဲခဲ့ရာ လက်နက် (၅၄) လက် သိမ်းဆည်းရရှိခဲ့ပြီး စစ်ကောင်စီ တပ်ဖွဲ့ဝင် (၂၆၂) ဦးကို သုတ်သင်နိုင်ခဲ့တယ်လို့ ဒီနေ့ ထုတ်ပြန်ပါတယ်။
အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ တောင်ပိုင်းစစ်ဒေသကွပ်ကဲရေး၊ အထူးစစ်ဆင်ရေးတပ်ဖွဲ့ – S.O.F စတင်ဖွဲ့စည်းတည်ထောင်ခဲ့တာ ဂျူလိုင်(၂၁)ရက်မှာ (၂) နှစ်တိတိ ပြည့်မြောက်ခဲ့ပြီဖြစ်ပြီ ဖြစ်ပါတယ်။
ရန်ကုန်၊ ဧရာဝတီ၊ ပဲခူး နဲ့မွန်ပြည်နယ်တို့မှာ ပျံလွှားအောင်၊ နန်းထိုက်အောင် မြို့ပြစစ်ဆင်ရေးတွေအပြင် KNU တပ်မဟာ (၆)နဲ့ တပ်မဟာ (၄) နယ်မြေခံ KNLA တပ်ဖွဲ့ဝင်တွေနဲ့ ပူးပေါင်းပြီး ကျေးလက်စစ်ဆင်ရေးတွေကို ဆောင်ရွက်ခဲ့ပုံကို အကျဉ်းချုပ်သတင်း ထုတ်ပြန်ထားပါတယ်။
ရန်ကုန်မြို့ဗားကရာ၊ သန်လျင်တံတား၊ ထန်းတပင်တာဆုံ၊ လှိုင်သာယာဘုရားလမ်း၊ မြောက်ဥက္ကလာတံတား၊ ဗဟန်းစစ်တပ်အရာရှိ ရိပ်သာ၊ အင်းစိန်ထောင်အရာရှိရိပ်သာ အပါအဝင် အကြမ်းဖက်စစ်ကောင်စီရဲ့ စစ်ဆေးရေးဂိတ်တွေ၊ သာကေတရဲစခန်းတို့ကို တိုက်ခိုက် ခဲ့တာဖြစ်ပါတယ်။
အလားတူ မြောက်ဥက္ကလာရဲစခန်း နဲ့ လှိုင်သာယာရဲစခန်းတွေကို လက်နက်ကြီး/ လက်နက်ငယ်တွေနဲ့ ထိုးဖောက်ဝင်ရောက်တိုက်ခိုက် နိုင်ခဲ့ပြီး ဧရာဝတီတိုင်း စစ်ကောင်စီဝန်ကြီးချုပ်ယာဉ်တန်း ကြားဖြတ်တိုက်ခိုက်မှုအပါအဝင် မွန်ပြည်နယ်ရှိ ရဲစခန်းတွေ၊ ပျူစောထီး ဂိတ်နဲ့ စစ်စခန်းတွေကို အကြိမ်ပေါင်းများစွာ ဝင်ရောက်တိုက်ခိုက်ခဲ့ပါသေးတယ်။
ဘုရားသုံးဆူမြို့ ဘုရားတောင်စခန်းသိမ်းပွဲ၊ သံဖြူဇရပ်မြို့ တောင်ကလေးစခန်းသိမ်းပွဲ၊ ကြာအင်းဆိပ်ကြီးမြို့ တောင်စွန်းစခန်းသိမ်း တိုက်ပွဲနဲ့ ကော့ကရိတ်မြို့ တောင်ကြာအင်းစခန်းသိမ်းတိုက်ပွဲအပါအဝင် တိုက်ပွဲပေါင်း (၃၉) ကြိမ်၊ ဒရုန်း+လက်နက်ကြီးတိုက်ပွဲပေါင်း (၁၆)ကြိမ်ဆင်နွှဲနိုင်ခဲ့တယ်လို့သိရပါတယ်။
“ တော်လှန်ရေးရဲ့မြှားဦး” အနေနဲ့ တိုက်ပွဲအကြိမ်ရေ (၈၇) ကြိမ်ခန့်မှာ အကြမ်းဖက်စစ်ကောင်စီ (၂၆၂) ဦး သက်တမ်းကုန်ဆုံးတဲ့ အထိ တိုက်ပွဲဝင်ချေမှုန်းနိုင်ခဲ့ပါတယ်” လို့ အထူးစစ်ဆင်ရေးတပ်ဖွဲ့ – S.O.F ကပြောပါတယ်။
လက်နက်ကြီး/လက်နက်ငယ်(၅၄)လက်၊ တရားမဝင် မူးယစ်ဆေးဝါးတွေနဲ့ လိုင်စင်မဲ့ကားတချို့ ကို သိမ်းဆည်းရရှိ ဖျက်ဆီးနိုင်ခဲ့တယ် လို့ သတင်းထုတ်ပြန်ချက်မှာ ဖော်ပြထားပါတယ်။
MK 005
#MeKongNews
#အထူးစစ်ဆင်ရေး
#စစ်ကောင်စီ
#ကရင်ပြည်နယ်
