မဲခေါင်၊ ဖေဖော်ဝါရီ ၆
ရှမ်းပြည်မြောက်ပိုင်း၊ ကိုးကန့်ဒေသ လောက်ကိုင်မြို့နယ် ရှင်းလင်းရေးလုပ်ဆောင်စဉ် လက်နက်မျိုးစုံ အလက် ၆၃၁ လက်ကိုသိမ်းဆည်းရရှိခဲ့တယ်လို့ MNDAA က ဖေဖော်ဝါရီ ၅ ရက်မှာ သတင်းထုတ်ပြန်ပါတယ်။
အထူးဒေသ(၁)စစ်အုပ်ချုပ်ရေးကော်မတီက တရားမဝင် လုပ်ငန်းများ ၊ အွန်လိုင်းလိမ်လည် လုပ်ငန်းတွေ ရှင်းလင်းရေးလုပ်ငန်းစဥ် ၄ ရက်မြောက်နေ့မှာ ထုတ်ပြန် တာပါ။
ယင်းသို့ ရှင်းလင်းရေးလုပ်ဆောင်စဉ် တရားမဝင် အွန်လိုင်း လိမ်လည် လုပ်ငန်းလုပ်ကိုင်သူ ၂၃ ဦးအပါအဝင် လက်နက်ခဲယမ်းတွေကို ထပ်မံတွေ့ရှိ သိမ်းဆည်းရရှိခဲ့ပြီး သက်ဆိုင်ရာဌာနကိုအပ်နှံခဲ့တယ်လို့ပါရှိပါတယ်။
သိမ်းဆည်းရတဲ့လက်နက်တွေထဲမှာ လက်နက်ကြီးတွေအပါအဝင် မောင်းပြန်ရိုင်ဖယ်တွေ၊ လောင်ချာနဲ့ စက်သေနတ်မျိုးစုံ၊ ခဲယမ်းကျည်ဆံအများအပြား ပါဝင်တယ်လို့ တရုတ်ဘာသာနဲ့ဖော်ပြထားပါတယ်။
MNDAAအနေနဲ့ ၁၀၂၇ စစ်ဆင်ရေးမှာ စစ်ကောင်စီတပ်စခန်း ၃၀၀ နီးပါးနဲ့ လောက်ကိုင်၊ ချင်းရွှေဟော်၊ မုံးကိုး၊ ကွမ်လုံ၊ ကုန်းကြမ်း စတဲ့မြို့တွေကို သိမ်းပိုက်ရရှိခဲ့ပြီး သံချပ်ကာယာဉ်၊ အတွဲလိုက်ဒုံးတင်ယာဉ်၊ တင့်ကား ၊ ဟောင်ဝစ်ဇာအမြောက်တွေ၊ စက်သေနတ်မျိုးစုံ အများအပြား လက်နက်မျိုးစုံ ထောင်ချီကို သိမ်းဆည်းရရှိထားပြီး ရှင်းလင်းရေးတွေ လုပ်ဆောင်နေတာဖြစ်ပါတယ်။
MK-012
#MeKongNews
#ကိုးကန့်
#MNDAA
#စစ်ကောင်စီ
#လက်နက်
#သိမ်းဆည်း