အခုတကြိမ် “မမများနဲ့ ပွဲကမယ်” ပရောဂျက်ကိုတော့ ဇန်နဝါရီလ ၅ ရက်နေ့ကနေ ဖေဖော်ဝါရီလ ၅ ရက်နေ့ထိ အလယ်ပိုင်းဒေသ – Central Region အတွက် ရည်ရွယ်ကာ ၁ လတိတိ ကျင်းပမှာဖြစ်ပြီး ငွေပမာဏ မသတ်မှတ်ထားတဲ့ ပုံစံနဲ့ ပြုလုပ်မှာ ဖြစ်တယ်လို့ သိရပါတယ်။
“မမများနဲ့ ပွဲကမယ်” ရန်ပုံငွေရှာဖွေတဲ့ ကမ်ပိန်းကို ပထမအကြိမ်မှာ ကရင်နီပြည်နယ်အတွက် ကျပ်သိန်း ၅,၀၀၀ ကျော်၊ ဒုတိယအကြိမ်မှာ စစ်ကိုင်းတိုင်း အတွက် ကျပ်သိန်း ၂၇,၀၀၀ ကျော်နဲ့ တတိယ အကြိမ်မှာတော့ ချင်းပြည်နယ်နဲ့ မကွေးတိုင်း အတွက် ကျပ်သိန်း ၁၅,၀၀၀ ရရှိဖို့ ရည်ရွယ်ပြုလုပ် အောင်မြင်ခဲ့ပြီး ဖြစ်ပါတယ်။
ဒီကမ်ပိန်းတိုင်းမှာ ပြည်တွင်း၊ ပြည်ပက ပါဝင်အားဖြည့်ခဲ့လို့ ရည်ရွယ်ထားတာထက် ရာခိုင်နှုန်းများစွာ အောင်မြင်ခဲ့တာကြောင့် ရည်မှန်းချက် ပန်းတိုင်ဖြစ်တဲ့ လက်နက်ကြီးတွေ တပ်ဆင်ပြီး တန်ပြန်ထိုးစစ်ဆင်နိုင်ရေး စတင် လုပ်ဆောင်နိုင်ပြီလို့ သိရပါတယ်။
“မမများနဲ့ပွဲကမယ်” ရန်ပုံငွေ ကမ်ပိန်းတွေက သက်ဆိုင်ရာ ဒေသတွေကို ထောက်ပို့ရာမှာ ဒေသရဲ့ မြေပြင် အနေအထားနဲ့ တိုက်ခိုက်ရေးပိုင်း ကျွမ်းကျင်သူတွေဖြစ်တဲ့ ဒေသ လက်နက်ကိုင် အဖွဲ့အစည်းတွေ၊ စစ်ဦးစီးချုပ်တွေကို ကာကွယ်ရေးဝန်ကြီးဌာနက ချိတ်ဆက် ထောက်ပို့တဲ့ စနစ်နဲ့ ဆောင်ရွက်နေတယ်လို့ သိရပါတယ်။
ထောက်ပို့ရာမှာ လက်နက်ကိုင် အဖွဲ့အစည်းတွေ အမှန်တကယ် ထိုးစစ်ဆင်နိုင်ဖို့ ကာကွယ်ရေးဝန်ကြီးဌာနက ဦးစီးပြီး လက်နက်တွေ ဝယ်ယူဖို့နဲ့ ပို့ဆောင်ဖို့ ဆောင်ရွက်နေတယ်လို့ သိရပါတယ်။
