မဲခေါင်၊ မတ် ၂၃
ရှမ်းပြည်မြောက်ပိုင်း၊ ကျောက်မဲမြို့နယ်မှာ ရှိတဲ့ စကခ(၁) ဂိတ်အပါအဝင် တပ်ဂိတ်တွေ ငွေတောင်းကြမ်းနေတယ်လို့ ခရီးသွားရင်းမြစ်တွေထံက သိရပါတယ်။
ရှမ်းပြည်နယ်မြောက်ပိုင်း မူဆယ်၊ နမ့်ခမ်းကို တက်တဲ့ ၆ဘီးကုန်ကားနဲ့အိမ်စီးကားတွေဟာ ကားတစ်စီးကို ကျောက်မဲမြို့ စကခ(၁) ဂိတ်မှာ ကျပ် ၁ သိန်းနဲ့ နတ်တောင်က ပစ်ကူပေးတပ်ဂိတ်မှာ ကျပ် ၂ သောင်းစီပေးရတယ်လို့ ပြောပါတယ်။
“စကခ ရဲ့ နောက် ခြံစည်းရိုးဘေးမှာ ကားလမ်းဆိုတော့ သူတို့ မိန်းဂိတ်မှာနဲ့ သိပ်မဝေးတဲ့ ပစ်ကူပေးတပ်ဂိတ်မှာ ပေးရတာ၊ စက်သုံးဆီပါရင် တပေပါကို ကျပ် ၂ သောင်းနဲ့ဆန်အိတ်တွေ ပါလဲ ပေးရတယ်” လို့ အမည်မဖော်လိုသူ တစ်ဦးက မဲခေါင်ကို ပြောပါတယ်။
စက်သုံးဆီကို မိုင်းငေါ့က တရားမဝင် ရွှေလုပ်ကွက်တွေဆီပို့တာဖြစ်လို့ မပေးလို့မရလို့ ပေးရတာလို့ ဆိုပါတယ်။
ကျောက်မဲကနေ နမ္မတူ-မန်တုံ-နမ့်ခမ်း-မူဆယ်အတိုင်း သွားတဲ့ ကုန်နဲ့ခရီးသွားကားတွေဟာ တစ်ရက်ကို ကားအစီးရေ ၂၀၀ ခန့်ရှိနေတာဖြစ်ပြီး သွားတဲ့ကားတိုင်းပေးနေရတာမှာ အသွားအပြန်ပေးနေရတာလို့ သိရပါတယ်။
လတ်ရှိမှာ အောက်လမ်းလို့ခေါ်တဲ့ နမ္မတူ က ၁၀ မိုင်ခန့်အကွာ က သတ္တုထုတ်တင်တဲ့ တရုတ်လုပ် တေပါ ၁၀ ဘီးကားကြီးတွေကြောင့် မြေသားလမ်းတွေပျက်စီးပြီး သတ္တုတင်ကားတွေ အများအပြား မောင်းနေတာကြောင့် ခရီးသွားကားတွေ အန္တရာယ်များလို့ အပေါ်လမ်းဖြစ်တဲ့ မန်တုံ
လမ်းအတိုင်း သွားနေကြရတယ်လို့သိရပါတယ်။
ကားတွေအနေနဲ့ လားရှိုးဘက်ကိုတော့ ကျောက်မဲအဝင် ဟိုက်ဝေးလမ်း ကျွဲကုန်းရွာ၊ နားပုံ၊ နားပျိန်း၊ ဟဲကွီရွာက ဒုဌဝတီမြစ်ဆင်းလမ်း တာလုံမြစ်ဆိပ်ကနေ SSPP ထိန်းချုပ်ထားပြီး မြစ်တစ်ကမ်းကို သံကြိုးနဲ့သွယ်ထားတဲ့ သံဖောင်နဲ့ကူးရာမှာ ကားငယ် ၁ စီးကို ၃ သောင်းနဲ့ ၄ စီးတင်ကူးရပြီး ၆ ဘီးကားဆိုရင် ၅ သောင်းနဲ့ ၂ စီးတင်ကူးရတယ်လို့ သိရပါတယ်။
ရှမ်းပြည်နယ်မြောက်ပိုင်းမှာ ၁၀၂၇ စစ်ဆင်ရေးပြီးတဲ့နောက် မန္တလေး-လားရှိုး-မူဆယ် အဝေးပြေး နယ်စပ်ကုန်သွယ်ရေးလမ်းမကြီးပေါ်မှာ တံတားတွေ ပျက်စီးပြီး မဖြတ်နိုင်လို့ ကျင်သီတံတားမှာ လူ/ကုန်ချိန်းပြီး သွားလာနေကြရသလို လက်ရှိမှာလဲ လမ်းက ဂိတ်တွေမှာ ငွေကြေးပေး
ပြီး ဖြတ်သန်းနေရတာဖြစ်လို့ ကားခတွေ၊ ကုန်ုဈေးနှုန်းတွေ အဆမတန်မြင့်တက်လာနေတာလို့ ဒေသခံလူထုက ဝေဖန်ပြောကြားနေကြပါတယ်။
MK-012