မဲခေါင်၊ ဒီဇင်ဘာ ၁၄
အမျိုးသားညီညွှတ်ရေးအစိုးရ (NUG)၊ ကာကွယ်ရေးဝန်ကြီးဌာန ဒုတိယဝန်ကြီး နိုင်ကောင်းရွက်ဟာ မွန်ပြည်နယ်၊ ရေးမြို့နယ်အတွင်းက တော်လှန်ရေးအဖွဲ့တွေနဲ့ ဒီဇင်ဘာ ၁၁ ရက်နေ့မှာ တွေ့ဆုံခဲ့ပါတယ်။
ရေးမြို့နယ်အတွင်းမှာ အခြေစိုက်တဲ့ မွန်ပြည်တော်လှန်ရေးတပ် – MSRF၊ ဒေါနစစ်ကြောင်း ၊ ABSDF တပ်ရင်း – ၁ ၊ ရေးပြောက်ကျားတပ် – YGF ၊ Ye Defence Force – YDF ၊ Mon State Revolutions Organization – MSRO ၊ Ye Air Force – YAF စတဲ့ တော်လှန်ရေးမဟာမိတ်အဖွဲ့တွေနဲ့ ဒုဝန်ကြီးက တွေ့ဆုံခဲ့တာပါ။
တွေ့ဆုံပွဲမှာ တောင်ပိုင်းတိုင်းစစ်ဒေသမှ တာဝန်ရှိသူများလည်း ပါဝင်ခဲ့ပြီး ရဲဘော်တွေရဲ့ လိုအပ်ချက်များကိုလည်း အပြန်အလှန် တင်ပြဆွေးနွေးခဲ့ကြပါတယ်။
အဲ့ဒီတော်လှန်ရေးအဖွဲ့တွေဟာ စစ်အာဏာရှင်နဲ့ အာဏာရှင်မှန်သမျှ အမြစ်ပြတ်ရေးအတွက် တိုက်ပွဲဝင်သွားဖို့ နိုဝင်ဘာ ၃၀ ရက်နေ့မှာ သစ္စာရေသောက် ကတိသစ္စာပြုထားကြပါတယ်။
#MeKongNews
#ရေး
#သစ္စာရေ
#နိုင်ကောင်းရွက်
#NUG
#မွန်