မဲခေါင်၊ ဒီဇင်ဘာ ၁၁
စစ်ကိုင်းတိုင်း၊ ဟုမ္မလင်းမြို့နယ်အတွင်းမှာရှိတဲ့ အောင်ဇေယျစစ်ကောင်စီတပ်စခန်းကို တော်လှန်ရေးအဖွဲ့တွေက ဒီဇင်ဘာ ၁၀ ရက်နေ့မှာ သိမ်းပိုက်လိုက်တယ်လို့ NUG က ထုတ်ပြန်ပါတယ်။
အောင်ဇေယျစစ်ကောင်စီစခန်းကို ဒီဇင်ဘာ ၇ ရက်နေ့ကစပြီး ပြည်သူ့ကာကွယ်ရေးတပ်ဖွဲ့ဝင်များက ထိုးစစ်ဆင်တိုက်ခိုက်နေကာ ၄ ရက်အကြာမှာ သိမ်းပိုက်မိတာဖြစ်ပါတယ်။
အဲ့ဒီ့ စစ်ကောင်စီစခန်းမှာ စစ်တပ်အပြင် ပျူစောထီး၊ ရှမ်းနီ(SNA)နဲ့ အခြားစစ်ကောင်စီလက်အောက်အဖွဲ့အချို့ တပ်စွဲထားတယ်လို့ သိရပြီး တော်လှန်ရေးအဖွဲ့တွေဘက်က ဖမ်းဆီးရမိသူတွေ ရှိပါတယ်။
တိုက်ပွဲမှာ တော်လှန်ရေးအဖွဲ့တွေဘက်က တိုက်ပွဲဝင် ရဲဘော် ၂ ဦး ကျဆုံးခဲ့ပြီး ၁၂ ဦးဒဏ်ရာရခဲ့ပါတယ်။ စခန်းသိမ်းပွဲဖြစ်ပေမယ့် စစ်ကောင်စီဘက်ကလည်း လေကြောင်းက ဗုံးကြဲတိုက်ခိုက်တာတွေ ပြုလုပ်ခဲ့ပါတယ်။
#MeKongNews
#အောင်ဇေယျ
#စစ်ကောင်စီ
#တော်လှန်ရေး
#ပူးပေါင်း
#သိမ်းယူ
