မဲခေါင်၊ ဇန်နဝါရီ ၂၉
ဆီဆိုင်မြို့နယ်၊ လွယ်ထွဲကျေးရွာမှာ မနေ့ ဇန်နဝါရီလ ၂၆ရက်မှာ ဖြစ်တဲ့ တိုက်ပွဲမှာ ခရိုနီသူဌေး နေ၀င်းထွန်း ဦးဆောင်တဲ့ ပအိုဝ်းပြည်သူ့စစ် – PNO ထံကနေ လက်နက်တစ်လက်နဲ့ အလောင်းတစ်လောင်း သိမ်းဆည်းရရှိခဲ့တယ်လို့ ပအိုဝ်းအမျိုးသားတပ်မတော် – PNLA က ဒီနေ့မှာ ထုတ်ပြန်ပါတယ်။
မနေ့ နေ့လည် ၁၂ နာရီ ၁၅ မိနစ်မှာ နေ၀င်းထွန်းဦးဆောင်တဲ့ စကစ၊ PNO ပြည်သူ့စစ်ပူးပေါင်း အင်အား ၁၅၀ ခန့်က ဆီိဆိုင်မြို့နယ် လွယ်ထွဲရွာအနီးမှာ PNLA ကိုလာရောက်တိုက်ခိုက်ခဲ့တာဖြစ်ပြီး နေဝင်းထွန်းတပ်တွေ ပြန်ဆုတ်ခွာချိန်မှာ ပြည်သူ့စစ်အလောင်းတစ်လောင်းနဲ့ လက်နက်တစ်လက် ကျန်ခဲ့တာဖြစ်တယ်လို့ PNLA ရဲ့ ထုတ်ပြန်ချက်မှာ ပါရှိပါတယ်။
PNLA အနေဖြင့် ပအိုဝ်းအမျိုးသားအချင်းချင်းမတိုက်လိုတာကြောင့် အကြိမ်ကြိမ်သတိပေးညှိနှိုင်းခဲ့ပေမယ့် နေ၀င်းထွန်းဦးဆောင်တဲ့တပ်က လက်မခံဘဲ နောက်ကျောက လာတိုက်ခဲ့သဖြင့် ပြန်လည်မောင်းထုတ်ခဲ့ရခြင်းသာ ဖြစ်တယ်လိို့ ဆိုပါတယ်။
မြန်မာနိုင်ငံရဲ့ ထိပ်တန်းခရိုနီတစ်ဦးဖြစ်တဲ့ ခွန်နေ၀င်းထွန်းဟာ PNO တပ်ရင်း ၄ ရဲ့ တပ်ရင်းမှူးဖြစ်သလို စီးပွားရေးတာ၀န်ခံလဲဖြစ်တယ်ပါတယ်။
PNLA အနေနဲ့ ဇန်နဝါရီ ၂၆ ရက်မှာ ခလရ ၄၂၄ ကိုလည်း သိမ်းပိုက်နိုင်ခဲ့ပြီး လက်နက်ခဲယမ်းတွေကို သိမ်းဆည်းရမိ ခဲ့တယ်လို့ PNLA က ထုတ်ပြန်ပါတယ်။
ဇန်နဝါရီ ၂၆ ရက် တစ်ရက်လုံးလုံး စစ်ကောင်စီဘက်က ဂျက်ဖိုက်တာ၊ Y12 စတဲ့ တိုက်ခိုက်ရေးလေယာဉ်တွေနဲ့ တနေကုန် ဆီဆိုင်မြို့ကို ဗုံးကြဲနေခဲ့တာမှာ ပြည်သူတွေရဲ့ အသက် အိုးအိမ် စည်းစမ်တွေ ပျက်စီးဆုံးရှုံးခဲ့ရတယ်လို့ ဖော်ပြထားပါတယ်။
မြေပြင်သတင်းအရ ကန်တော်ကလေးရွာက KG3 ကျောင်းသူလေးတစ်ဦး သေဆုံးခဲ့တယ်လို့ သိရပါတယ်။
MK – 012
#MeKongNews
#PNLA
#PNO
#ခွန်နေဝင်းထွန်း