မဲခေါင်၊ ဖေဖော်ဝါရီ ၂၃
ရှမ်းပြည်နယ် မြောက်ပိုင်း၊ လားရှိုးမြို့၊ ရပ်ကွက် (၁၂)၊ ရှမ်းခိုလောင်း ရပ်ကွက်ရှိ နေအိမ် တစ်လုံး ဒီကနေ နေ့လယ်ပိုင်းက မီးလောင်မှု ဖြစ်ပွားခဲ့တယ်လို့ ဒေသခံတွေက မဲခေါင်သတင်းကို ပြောပါတယ်။
ဖေဖော်ဝါရီ ၂၃ ရက် နေ့လယ် ၂ နာရီ ၅၀ မိနစ် ဝန်းကျင်က စတင် လောင်ကျွမ်းခဲ့တာဖြစ်ပြီး လူထိခိုက် ဒဏ်ရာရတာ မရှိခဲ့ဘူးလို့ လားရှိုးမြို့နယ် မီးသတ်ဦးစီးဌာန တာဝန်ရှိသူ တစ်ဦးက ပြောပါတယ်။
မီးလောင်မှု ဖြစ်ပွားခဲ့တဲ့ နေရာသို့ မီးသတ်ဦးစီးဌာနက လာရောက် ငြိမ်းသတ်ခဲ့ပြီး မီးစတင် လောင်ကျွမ်းရတဲ့ အကြောင်းရင်းကို စစ်ဆေးနေတယ်လို့ သိရပါတယ်။
MK-005