မဲခေါင်၊ နိုဝင်ဘာ ၈
ရှမ်း-ကရင်နီ နယ်စပ်၊ ဖယ်ခုံမှာ ရှမ်းမြောက် တိုက်ပွဲ မသွားလိုတဲ့ စစ်ကောင်စီ တပ်သား တစ်ဦး လက်နက်ခဲယမ်း အပြည့်အစုံနဲ့ မနေ့က အလင်းဝင်လာတယ်လို့ ဒီကနေ့ နိုဝင်ဘာ ၈ ရက်မှာ ဖယ်ခုံ PDF က ထုတ်ပြန်ပါတယ်။
အလင်း၀င်လာတဲ့ စစ်ကောင်စီတပ်သားဟာ ဖယ်ခုံ အခြေစိုက် ခမရ (၄၂၂) တပ်ရင်းက ဖြစ်ပြီး ရှမ်းမြောက်ကို ရွှေ့ပြောင်း အမိန့်ကျလာချိန် မသွားလိုတာကြောင့် အခုလို လက်နက်ခဲယမ်း အပြည့်အစုံ ယူဆောင်ကာ ထွက်ပြေး ခိုလှုံလာတာလို့ ဆိုပါတယ်။
အလင်းဝင်လာတဲ့ စစ်ကောင်စီတပ်သားကို ဖယ်ခုံ PDF က ဆုကြေးငွေ ပေးအပ်ပြီး လုံခြုံတဲ့နေရာ ပို့ဆောင် ပေးခဲ့တယ်လို့ ထုတ်ပြန်ချက်မှာ ဖော်ပြပါတယ်။
ကရင်နီ အခြေစိုက် တပ်ရင်းတွေကို စစ်ကောင်စီက တိုက်ပွဲ ပြင်းထန်နေတဲ့ ရှမ်းမြောက် ဒေသသို့ ဆက်တိုက် ပို့ဆောင်နေပြီး ညဘက်တွေမှာ စစ်ကားတွေနဲ့ တပ်အရွှေ့အပြောင်း လုပ်နေတယ်လို့ ကရင်နီ စစ်ရေး သတင်းရင်းမြစ်က ပြောပါတယ်။
MK-007
#MeKongNews
#ရှမ်းမြောက်
#အလင်း၀င်
