မဲခေါင်၊ နိုဝင်ဘာ ၂၈
စစ်ကိုင်းတိုင်း၊ ဟုမ္မလင်းမြို့နယ်ထဲမှာပါတဲ့ ရွှေပြည်အေးမြို့ကို တော်လှန်ရေးပူးပေါင်းတပ်ဖွဲ့တွေက သိမ်းပိုက်ခဲ့ပြီး စစ်ကောင်စီတပ်ဖွဲ့ဝင် ၈ ယောက်ကို ဖမ်းဆီးရမိခဲ့ပြီး လက်နက်အများအပြားကို သိမ်းမိတယ်လို့ သိရပါတယ်။
စစ်ကိုင်းတိုင်း၊ ဟုမ္မလင်းမြို့နဲ့ ဖောင်းပြင်မြို့ကြားမှာရှိတဲ့ ရွှေပြည်အေးမြို့ကို တော်လှန်ရေးပူးပေါင်းတပ်တွေက နိုဝင်ဘာ ၂၁ ရက် မနက်ပိုင်းမှာ တိုက်ခိုက်ခဲ့ပြီး နိုဝင်ဘာ ၂၂ ရက် ညနေ ပိုင်းမှာ သိမ်းပိုက်နိုင်ခဲ့တာပါ။
သိမ်းပိုက်ရမိခဲ့တဲ့ အခြေအနေတွေကို အမျိုးသားညီညွှတ်ရေးအစိုးရ (NUG)၊ ကာကွယ်ရေးဝန်ကြီးဌာန (MoD) က ဒီနေ့မှာ အသိပေးထုတ်ပြန်တာပါ။
ရွှေပြည်အေးမြို့အနီးတဝိုက်မှာတော့ စစ်ကောင်စီဘက်က လေကြောင်း တိုက်ခိုက်မှုတွေ ဒီနေ့အထိ ပြုလုပ်နေပါတယ်။
ချင်းတွင်းမြစ်ကမ်းဘေးမှာရှိတဲ့ ရွှေပြည်အေးမြို့ကို ယခင်စစ်အာဏာရှင်ဟောင်း သန်းရွှေလက်ထက်က စစ်ကိုင်းတိုင်းမှူးဖြစ်ခဲ့သူ ဗိုလ်ချုပ်သာအေး က ထူထောင်ခဲ့ပါတယ်။
#MeKongNews
#ရွှေပြည်အေး
#စစ်ကိုင်း
#စစ်ကောင်စီ
#တော်လှန်ရေး
#သုံ့ပန်း
