မဲခေါင်၊ ဧပြီ ၅
ရှမ်းမြောက် နမ့်ခမ်းမြို့နယ်အတွင်းမှာ ကလေးတွေရဲ့ ပညာရေးအတွက် စာသင်ကျောင်းပြန်လည်ဖွင့်နိုင်ဖို့ တအာင်းအမျိုးသားလွတ်မြောက်ရေးတပ်မတော် TNLA က ပြည်သူလူထုတွေနဲ့ တွေ့ဆုံခဲ့ပါတယ်။
ပြီးခဲ့တဲ့ ဧပြီ ၃ ရက်နေ့ မနက် ၉ နာရီခွဲအချိန်မှာ TNLA အထွေထွေအုပ်ချုပ်ရေးမှူး ဗိုလ်ကြီး တောင်တန်းနဲ့ နမ့်ခမ်းမြို့နယ်ရဲမှူး ဗိုလ်နော်ရိူန်း အတူ ပြည်သူတွေနဲ့ တက်ရောက် အားပေးခဲ့တယ်လို့ TNLA က ဒီနေ့ထုတ်ပြန်ပါတယ်။
TNLA ထိန်းချုပ်ထားတဲ့ မြို့နယ် ၇ မြို့မှာ ငြိမ်းချမ်းရေး၊ ဒေသဖွံ့ဖြိုးတိုးတက်ရေး၊ ပညာရေး၊ ကလေးဗဟိုပြု ပညာရေးစနစ်၊ ဖက်ဒရယ်ပညာရေးစနစ်တိုးတက်မြင့်မာ လာရေး၊ စဥ◌်စားတွေခေါ်ဖန်တီးတဲ့ ပညာရေးစနစ် ပညာရေးနဲ့ သက်ဆိုင်တဲ့လုပ်ငန်းစဥ်တွေကို လုပ်ဆောင်သွားမှာ ဖြစ်ပါတယ်။
ထိုနောက် TLEC ပညာရေးသမိုင်းကြောင်း၊ ဖွဲ့စည်းပုံ၊ အခြေခံပေါ်လစီနဲ့ ရှေ့လုပ်ငန်းစဥ်တွေကို ပြည်သူတွေနဲ့ အပြန်အလှန်ဆွေးနွေးပြီး စာသင်ကျောင်း လည်ပတ်နိုင်ဖို့ ပြည်သူတွေပူပေါင်းရန် တိုက်တွန်းခဲ့ပါတယ်။
အခမ်းအနားကို CDM ပညာရေးတာဝန်များ၊ ပြည်သူလူထု၊ TNEC တာဝန်ရှိသူများ အပါ လူ၈၀ ကျော်တက်ရောက်ခဲ့ပါတယ်။
MK 011
