မဲခေါင်၊ ဇန်နဝါရီ ၁၄
မန္တလေးတိုင်း၊ ကျောက်ဆည်မြို့နယ်နဲ့ ရပ်စောက်မြို့နယ်အစပ်က အုန်းကြောနှင့် ဟဲလယ်ရွာအနီး ရောက်ရှ်ိလာတဲ့ စစ်ကောင်စီတပ်နဲ့ တော်လှန်ရေးအင်အားစုတို့ တိုက်ပွဲဖြစ်ပြီး စစ်ကောင်စီက လေကြောင်းကနေ ဗုံးကြဲပစ်ကူပေးခဲ့ရတယ်လို့ ကျောက်ဆည်ဒေသခံတွေဆီက သိရပါတယ်။
အင်အား ၅၀ခန့်ပါ စစ်ကောင်စီစစ်ကြောင်းကို NUG ကွပ်ကဲတဲ့တပ်ရင်းတစ်ခုနဲ့ဒေသကာကွယ်ရေးပူးပေါင်းတပ်က ဇန်နဝါရီ ၁၀ရက် နံနက်မှာ တိုက်ခိုက်ခဲ့ပြီး စစ်ကောင်စီဘက်က ၃ဦးဒဏ်ရာရတယ်လို့ ဒေသခံတွေဆီက သိရပါတယ်။
တိုက်ပွဲမှာ ၄၅ မိနစ်ခန့်ကြာပြီး တိုက်ပွဲဖြစ်ပွါးပြီးချက်ချင်း စစ်ကောင်စီဘက်က ဂျက်ဖိုက်တာနဲ့ ၃ပတ်ပတ်ပြီး ဗုံး ၁လုံးချသွားတာလို့ အုန်းကြောနဲ့ဟဲလယ်ကျေးရွာဒေသခံတစ်ဦးက ပြောပါတယ်။
”တိုက်ပွဲဖြစ်ပွါးပြီးပြီးချင်း လေယာဉ်နဲ့ ဗုံးလာကြဲသွားတာ။ တိုက်ပွဲအတွင်း စကစဘက်က ဒဏ်ရာရတဲ့သူတွေရှိတယ်။ မျက်မြင်ပါ။လမ်းတလျောက်သွေးတွေ တွေ့တယ်” လို့ သူက ပြောပါတယ်။
တိုက်ပွဲအတွင်း စစ်ကောင်စီဘက်က အထိနာလို့ အနောက်ဖက် ကျောက်ဆည်ဖက်ကို ဆုတ်ပြေးသွားကြတယ်လို့လည်း ဒေသခံတွေက ပြောပါတယ်။
အုန်းကြောနှင့် ဟဲလယ်ရွာအနီးမှာ ဇန်နဝါရီ ၁ရက်နေ့ကလည်း မိနစ် ၃၀ခန့် တိုက်ပွဲဖြစ်ခဲ့သေးတယ်။
ပထမတစ်ကြိမ် ဇန်နဝါရီ ၁ရက်နေ့ကဖြစ်ပွါးတဲ့တိုက်ပွဲမှာ စစ်ကောင်စီဘက်က ၃ဦးသေပြီး ဒဏ်ရာအများအပြားရတယ်လို့ မျက်မြင်တွေ့ရှိတဲ့ ဒေသခံတွေက ပြောပါတယ်။
အုန်းကြောနဲ့ ဟဲလယ်ကျေးရွာဟာ ဓနုတိုင်းရင်းသားအများစုနေတဲ့ ရွာတွေဖြစ်ပြီး အခုလက်ရှိမှာတော့ တိုက်ပွဲဖြစ်ပွါးတာမရှိဘဲ ငြိမ်နေတယ်လို့ သိရပါတယ်။
CJ-012
ပုံစာ-ဇန်နဝါရီ ၁၀ ရက်နေ့က စစ်ကောင်စီတပ်သားများ ဆုတ်ခွါထွက်ပြေးပုံ
#MeKongNews
#ရပ်စောက်
#NUG
