မဲခေါင်၊ မတ် ၁၂
မန္တလေးတိုင်း၊ မြင်းခြံမြို့အထွက်မှာ စစ်ကောင်စီအဖွဲ့လိုက်ပါလာတဲ့ ကားကို တော်လှန်ရေးပူးပေါင်းအဖွဲ့တွေက မတ် ၁၁ ရက်နေ့ နေ့လယ်ပိုင်းမှာ တိုက်ခိုက်ခဲ့တာကြောင့် စစ်ကောင်စီအဖွဲ့ ၆ ယောက်သေပြီး လက်နက်တွေ သိမ်းမိတယ်လို့ သိရပါတယ်။
ဒီတိုက်ခိုက်မှုကို ပြည်သူ့လွတ်မြောက်ရေးတပ်တော် (PLA) အနောက်မြောက်စစ်ဒေသ၊ ရဲခေါင်ပြောက်ကျားတပ်ဖွဲ့ (PLA) စုပေါင်းအင်အားနဲ့ မြင်းခြံ 35 တပ်ဖွဲ့ ၊ BGF တပ်ဖွဲ့တို့က တိုက်ခိုက်ခဲ့တာ ဖြစ်ပြီး ကားပေါ်ပါသူတွေကို သုတ်သင်နိုင်ခဲ့တယ်လို့ PLA က ထုတ်ပြန်ပါတယ်။
အဲ့ဒီ့တိုက်ခိုက်မှုမှ MA1 ၁ လက်၊ MA2 ၁လက်၊ MA3 ၁ လက်၊ G3 ၁ လက်၊ Type 81 ၁ လက်၊ MA5 ၁ လက် အပါအဝင် ကျည်ဆန်တွေကို သိမ်းမိခဲ့တယ်လို့ သိရပါတယ်။
