မဲခေါင်၊ မတ် ၁၉

ရှမ်းတောင် နမ့်စန်မြို့နယ်မှာ စစ်မှုထမ်းဥပဒေထွက်ပြီးကတည်းက ဒေသခံတော်တော်များများဟာ ထိုင်းနိုင်ငံထွက်ပြေးခဲ့ပြီး မနေ့မတ်လ ၁၈ ရက်နေ့မှာ စစ်ကောင်စီတပ်ဖွဲ့က ရပ်ကွက်အလိုက် ထွက်ပြေးတဲ့ လူငယ်တွေကို ပြန်လာဖို့ ဖိအားပေးတယ်လို့ သိရပါတယ်။

စစ်မှုထမ်းရမယ့်သူတွေဟာ မဲစနစ်နဲ့လုပ်ဆောင်မှာြဖစ်ပြီး ထွက်ပြေးတဲ့သူတွေကို ဒီအပတ်အတွင်းအရောက်လာဖို့ စစ်ကောင်စီက ဖိအားပေးနေတယ်လို့ နမ့်စန်မြို့ခံတစ်ဦး ကပြောပါတယ်။

“ မနေ့ည စစ်ကောင်စီတပ်ဖွဲ့က လိုက်အော်နေတယ် စစ်မှုထမ်းရမယ်သူတွေကို မဲစနစ်နဲ့လုပ်မယ် မစိုးရိမ်နဲ့တဲ့ ထွက်ပြေးတဲ့သူတွေကိုလည်း ပြန်လာဖို့ပြောတယ် ပြန်မလာတဲ့သူတွေကိုတော့ နောက်ဖြစ်လာမယ်ပြသာနာကို မိသားစုတွေက တာဝန်ယူရမယ်”လို့ပြောပါတယ်။

နမ့်စန်မြို့ကျေးရွာအမှတ်တွေကို စစ်မှုထမ်းဖို့ခေါ်ဆောင်သွားတာြဖစ်ပြီး မြို့နယ်ထဲမှာ လုပ်ဆောင်တော့မှာကြောင့် ဒေသခံတွေဟာ စိုးရိမ်ပြီး ပိုက်ဆံရှိတဲ့သူတွေကတော့ စစ်ကောင်စီတွေကို ပိုက်ဆံနဲ့ညှိယူကြတဲ့သူတွေလည်းရှိတယ်လို့ သူက ဆက်ပြောပါတယ်။

နမ့်စန်မြို့ ကျေးရွာတွေမှာ စစ်ကောင်စီတပ်ဖွဲ့က အိမ်ထောင်စုစာရင်းတွေကို စုဆောင်းပြီး ဖေဖော်ဝါရီ ၂၆ ရက်နေ့မှာ ကျေးရွာဥက္ကဌတွေကို စစ်မှုထမ်းဖို့ အစည်းအဝေးပြုလုပ်ခဲ့ပါတယ်။

ထိုအလားတူ မိုးနဲမြို့နယ်ထဲမှာလည်း စစ်ကောင်စီတပ်ဖွဲ့က မဲစနစ်နဲ့ မနေ့မတ်လ ၁၈ ရက်နေ့မှာ တစ်ရပ်ကွက်ကို လူ ၃ ဦးစစ်မှုထမ်းဖို့ မဲနှိုက်ရတယ်လို့ သိရပါတယ်။

MK-011

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)