မဲခေါင်၊ မတ် ၁၉
ရှမ်းပြည်တောင်ပိုင်းက စစ်ကောင်စီ၊ PNO ပြည်သူ့စစ်တွေနဲ့တော်လှန်ရေးအင်အားစုတွေ မတ်လ ၁၇ ရက်က ဖြစ်ခဲ့တဲ့ ပင်လောင်းမြို့နယ်က တောင်မဲသင်းတိုက်ပွဲမှာ PNO ၇ ဦး သေဆုံးခဲ့တယ်လို့ သိရပါတယ်။
အဲဒီ သေဆုံးတဲ့သူတွေထဲမှာ PNO ပြည်သူ့စစ် ဗိုလ်ကြီးဇော်ပျံ ဆိုသူ ၁ ဦး ပါဝင်တယ်လို့ ပြောပါတယ်။
အခုကျတဲ့ ဇော်ပျံက ဗိုလ်ကြီးဇော်ပျံ နောက်ပေါက်တဲ့ကောင်လေး၊ အရင်နာမည်ကြီးတဲ့ ဇော်ပျံက ဗိုလ်မှူးဇော်ပျံ၊ သူက တောင်ကြီးမှာ တိုက်ခိုက်ရေး မတက်ဘူး၊ အရက်သမားဖြစ်နေပြီလို့ PNLO တပ်ဖွဲ့ဝင် တစ်ဦးက မဲခေါင်ကို ပြောပါတယ်။
မတ်လ ၁၇ ရက် မနက်ပိုင်းမှာ တောင်မဲသင်းမှာရှိတဲ့ PNA တွေကို KNDF တပ်ဖွဲ့တွေက တိုက်ခိုက်ရာမှာ PNO ဘက်က ဗိုလ်ကြီးဇော်ပျံဆိုသူအပါအဝင် ၇ ဦးကျဆုံးခဲ့တာဖြစ်ပြီး အဲဒီတိုက်ပွဲတွေကြောင့် တောင်မဲသင်းရွာသာမက တောင်စလုံး၊ မြောက်စလုံး၊ တောင်လုံးပျဉ် ရွာတွေက ထောင်နဲ့ချီတဲ့ ဒေသခံတွေ ပင်လောင်း၊ နောင်တရားနဲ့ညောင်ရွှေမြို့တွေကို ထွက်ပြေးတိမ်းရှောင်နေကြရတယ်လို့ သိရပါတယ်။
MK-012
