မဲခေါင်၊ ဒီဇင်ဘာ ၄
ချင်းပြည်နယ်၊ မတူပီ-မင်းတပ်မြို့သွားတဲ့ လမ်ပေါ်က စစ်ကောင်စီ ကာကင်းစခန်းတစ်ခုကို Chinland Defence Force – Matupi (CDF- Matupi) က မနေ့ ဒီဇင်ဘာ ၁ ရက်နေ့ မနက်ပိုင်းမှာ ဝင်ရောက်တိုက်ခိုက်ခဲ့ပါတယ်။
အဲ့ဒီစီးနင်းတိုက်ခိုက်မှုမှာ စစ်ကောင်စီဘက်က ဗိုလ်ကြီး ၁ ဦးအပါ ၇ ယောက်သေဆုံးခဲ့ပြီး ပစ္စတို ၁ လက်နဲ့ MA-3 ၂ လက် သိမ်းမိခဲ့တယ်လို့ CDF မတူပီ က မနေ့က ထုတ်ပြန်ပါတယ်။ CDF မတူပီ ဘက်ကတော့ ထိခိုက်မှုမရှိဘူးလို့ ဆိုပါတယ်။
နိုဝင်ဘာ ၆ ရက်နေ့ကလည်း မတူပီ-ဟားခါးလမ်းပေါ်မှာ စစ်ကြောင်းထိုးလာတဲ့ စစ်တပ်ကို တိုက်ခိုက်ခဲ့တာကြောင့် ၂ ဦးသေဆုံးခဲ့တယ်လို့ CDF မတူပီ က ထုတ်ပြန်ထားပါသေးတယ်။
မတူပီ-ဟားခါးလမ်းပေါ်က ခရိုင်ရုံးမှာ စစ်ကောင်စီတပ်ကစွဲထားပြီး အဲ့ဒီခရိုင်ရုံးကို တပ်အင်အားဖြည့်ဖို့လာတဲ့ စစ်ကောင်စီစစ်ကြောင်းကို CDF မတူပီက မကြာခဏကြားဖြတ်တိုက်ခိုက်လေ့ ရှိပါတယ်။
CDF မတူပီထံကို စစ်ကောင်စီတပ်နဲ့ရဲ့တပ်ဖွဲ့ဝင်တွေဟာ လက်နက်တွေနဲ့အတူ အလင်းဝင်ရောက်မှုတွေရှိပြီး လက်နက်နဲ့အလင်းဝင်လာသူတွေကို ဆုကြေးငွေတွေလည်း ချီးမြှင့်နေပါတယ်။
#MeKongNews
#မတူပီ
#တိုက်ခိုက်
#စီးနင်း
#စစ်ကောင်စီ
#ဗိုလ်ကြီး