မဲခေါင်၊ ဖေဖော်ဝါရီ ၇

မကွေးတိုင်း၊ ဂန့်ဂေါ မြို့နယ်၊ မြောက်ခင်ရန်းရွာမှာ အရှင်လတ်လတ်ကြိုးတုပ် မီးရှို့သတ်ခံရသူများမှာ ယောကာကွယ်ရေးတပ် (YDF) ရဲဘော် ၂ ဦးဖြစ်တယ်လို့ ထုတ်ပြန်အသိပေးပါတယ်။

YDF ရဲဘော် ၂ ဦးဟာ ၂၀၂၃ ခုနှစ်၊ နိုဝင်ဘာ ၇ ရက်က မဟာမိတ်စစ်ဆင်ရေးတစ်ခုမှာ တာဝန်ထမ်းဆောင်ရင်း ဖမ်းဆီးခံခဲ့ရတာဖြစ်ပြီး စစ်ကောင်စီတပ်နဲ့ ပျူစောထီးတွေရဲ့ ရက်ရက်စက်စက် သတ်ဖြတ်တာကို ခံခဲ့ရတာလို့ ဆိုပါတယ်။

မြောက်ခင်းရန်းရွာဟာ စစ်ကောင်စီတပ်အထိုင်ချထားတဲ့ ပျူစောထီးရွာဖြစ်ပြီး ရွာမြောက်ဘက်အထွက် ဆေးရုံရှေ့က ကုက္ကိုလ်ပင်မှာ အရှင်လတ်လတ်မီးရှို့သတ်ဖြတ်ခဲ့တာပါ။

အသတ်မခံရခင်မှာ အကြိမ်ကြိမ် ညှဥ်းပန်းနှိပ်စက်ခဲ့ပြီး ရွာကလူတွေကို တစ်အိမ်တစ်ယောက်ခေါ်ပြီး ကြည့်ခိုင်းခဲ့တယ်လို့ YDF ရဲ့ ထုတ်ပြန်ချက်က ဆိုပါတယ်။

စစ်ကောင်စီတပ်ဟာ လူမဆန်တဲ့ အကြမ်းဖက်မှုတွေကို နှစ်ပေါင်းများစွာကတည်းက လုပ်ဆောင်လာတာဖြစ်ပြီး ဒီလိုတွေထပ်မဖြစ်လာဖို့ တစ်ခုတည်းသောနည်းလမ်းဟာ စစ်ကောင်စီတပ်ကို အမြစ်ပြတ်ချေးမှုန်းပြီး တော်လှန်ရေးအောင်မြင်ဖို့ ဖြစ်တယ်လို့ ဆိုပါတယ်။

အဲ့ဒါကြောင့် ပြည်သူတွေအားလုံး သွေးမအေးဘဲ တော်လှန်ရေးအောင်မြင်သည်အထိ အရှိန်မြှင့်တင် ပူးပေါင်းပါဝင်ကြဖို့လည်း တိုက်တွန်းထားပါတယ်၊

မြင့်မြတ်စွာအသက်ပေးသွားတဲ့ YDF ရဲဘော်တွေကို လေးစားသောအားဖြင့် ရဲဘော်တွေရဲ့ ဓာတ်ပုံတွေကို အသုံးပြုပြီး အလှူခံတာမျိုးတွေ မလုပ်ကြဖို့လည်း မေတ္တာရပ်ခံထားပါတယ်။

#MeKongNews

#YDF

#ရဲဘော်

#မီးရှို့

#သတ်ဖြတ်

#တော်လှန်ရေး

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)