မဲခေါင်၊ ဇန်နဝါရီ ၁၇

ရုရှားသမ္မတပူတင်ဟာ ၂၀၂၅ ခုနှစ်မှာ အနောက်မဟာမိတ် နေတိုးအုပ်စုနဲ့ တတိယကမ္ဘာစစ်အသွင်ဖြစ်စေဖို့ တစ်ဆင့်ချင်း စီစဉ်နေတဲ့ လျှို့ဝှက်ချက်တွေ ထောက်လှမ်းရေးသတင်းပေါက်ကြားခဲ့ပါတယ်။

ဒီပေါက်ကြားမှုမှာ ပူတင်ဟာ ၂၀၂၄ ဖေဖော်ဝါရီမှာ နောက်ထပ် စစ်သည်အင်အား ၂ သိန်းထပ်ဖြည့်မယ်၊ ၂၀၂၄ ဇူလိုင်မှာ အနောက်မဟာမိတ်တွေကို ဆိုက်ဘာတိုက်ခိုက်မှုလုပ်မယ်၊ ၂၀၂၄ အောက်တိုဘာမှာ ရုရှားတပ်တွေနဲ့ ဒုံးကျည်တွေကို ရုရှားကီလင်နင်ဂတ်မြို့ဆီ ပို့ဆောင်မယ်၊ ၂၀၂၄ နွေဦးမှာ ယူကရိန်းနိုင်ငံထဲ ထိုးစစ်အသစ် ထပ်ဆင်နွှဲပြီး ဇွန်လမှာ တစ်နိုင်ငံလုံးကို အပြီးသိမ်းမယ်၊ ၂၀၂၄ စက်တင်ဘာမှာ ပိုလန်နဲ့ လစ်သူရေးနီးယား နယ်စပ် ဘီလာရုစ်နိုင်ငံထဲ စစ်သား ၅ သောင်း ချထားမယ်ဆိုတာတွေ ပါဝင်ပါတယ်။

၂၀၂၄ ဒီဇင်ဘာမှာ ဘောလ်တစ်နိုင်ငံတွေကို ကျူးကျော်ရန်စမယ်၊ ၂၀၂၅ မေလမှာ နေတိုးမဟာမိတ်အဖွဲ့က စစ်ကြေညာမယ်၊ နောက် ရက် ၃၀ ကြာရင် ရုရှားတပ်သား ၅ သိန်းနဲ့ နေတိုးတပ်ဖွဲ့တွေ တိုက်ပွဲစဖြစ်ဖို့အထိ တစ်ဆင့်ချင်း ပြင်ဆင်ထားကြောင်းနဲ့ နေတိုးနဲ့ တတိယကမ္ဘာစစ်အသွင်ဆောင်မယ့် ၂၀၂၅ ခုနှစ်ထဲက ရက်စွဲကိုတော့ ထိန်ဝှက်ထားပြီး Day-X လို့ သတ်မှတ်ထား ကြောင်း သတင်းပေါက်ကြားမှုကို ရရှိတဲ့ ဂျာမန် Bild မီဒီယာက ဖော်ပြသွားပါတယ်။

နေတိုးနဲ့ ရုရှားနိုင်ငံကြား မိုင် ၆၀ ရှိတဲ့ လစ်သူရေးနီးယားနဲ့ပိုလန်နယ်စပ် ဆူဝယ်လ်ကီ ဒေသမှာ စစ်ဇုန်အဖြစ် သတ်မှတ်ပြီး သွေးချောင်းစီးမယ့် စစ်ပွဲကြီးကို ပူတင်နဲ့ ရုရှားတပ်ဘက်က တစ်ဆင့်ချင်း ပြင်ဆင်ထားတာဖြစ်ကြောင်းလည်း Bild က တစ်ဆက်တည်းဖော်ပြသွားပါတယ်။

Ref: thesun
MKF-001

#MeKongNews

#ရုရှား

#ပူတင်

#ပေါက်ကြား

#နေတိုး

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)