မဲခေါင်၊ ဇန်နဝါရီ ၂၃
အီရတ်မှာအခြေစိုက်တဲ့ အိန်းအယ်လ်အာဆတ် လေတပ်စခန်းကို အီရန်ထောက်ပံ့ လက်နက်ကိုင်တွေက ဒုံးကျည်များစွာနဲ့ပစ်ခတ်တိုက်ခိုက်လို့ အမေရိကန် စစ်သားတွေ ဦးနှောက်ပျက်စီးမှုဒဏ်ရာ(traumatic brain injuries)တွေ ရခဲ့ကြပါတယ်။
ဇန်နဝါရီ ၂၀ ရက်နေ့က အီရတ်အနောက်ပိုင်း အခြေစိုက် အမေရိကန်လေတပ်ဗဟိုဌာန ကို ဒေသစံတော်ချိန် ညနေ ၆ နာရီခွဲမှာ ဒုံးကျည်ပေါင်းများစွာ ကျရောက်လာတာဖြစ်ပြီး ဒုံးကျည် အများစုကို လေကြောင်းရန် ကာကွယ်ရေးစနစ်ကနေ ဖျက်ချနိုင်ပေမယ့် တချို့ကတော့ စခန်းကို ကျရောက်ပေါက်ကွဲခဲ့ပါတယ်။
ပျက်စီးထိခိုက်မှုနဲ့ အမေရိကန်စစ်သားအများအပြား ဦးနှောက်ဒဏ်ရာရရှိမှုအတွက် အခြေအနေတွေကို ချင့်တွက်နေဆဲဖြစ်တယ်လို့ X (ယခင်တွစ်တာ) ကနေ အမေရိကန်တပ်ဘက်က ထုတ်ပြန်သွားပါတယ်။
Traumatic Brain Injuries ဆိုတာ ရုတ်တရက်ပြင်းထန်တဲ့ ပေါက်ကွဲမှုတွေကြောင့် ဦးနှောက်အပြင်ပိုင် ဒဏ်ရာရတာမျိုးဖြစ်ပြီး မသန်စွမ်းမှုကို အများဆုံးဖြစ်စေနိုင်တဲ့ TBI ရောဂါလက္ခဏာမျိုးဖြစ်ပါတယ်။
အီရန်ရဲ့ အစ္စလာမ္မစ်တော်လှန်ရေးတပ်နဲ့ မဟာမိတ်ဖြစ်တဲ့ အီရန်ထောက်ပံ့ တပ်တစ်ခုက ဒီလုပ်ရပ်ဟာ သူတို့ လုပ်ရပ်ဖြစ်ကြောင်းနဲ့ အစ္စရေးနဲ့ဟားမက်စ် ဖြစ်ပွားနေတဲ့ စစ်ပွဲမှာ အမေရိကန်ရဲ့ အစ္စရေးဘက် ပါဝင်နေမှု ကြောင့် တိုက်ခိုက်တာလို့ သတင်းထုတ်ပြန်ခဲ့ပါတယ်။
သူတို့ရဲ့ ထုတ်ပြန်မှုမှာ ဒီတိုက်ခိုက်မှုသာမက ဆီးရီးယားအရှေ့ပိုင်းက အမေရိကန်စစ်အခြေစိုက်စခန်း၊ ကူဝိတ်က စစ်စခန်းတစ်ခုကိုလည်း တိုက်ခိုက်ကြောင်းပူးတွဲဖော်ပြခဲ့ပါတယ်။ အမေရိကန်တပ်တွေဟာအီရတ်မှာ စစ်သည် ၂၅၀၀၊ ဆီးရီးယားမှာ စစ်သည် ၉၀၀ ကို ဆက်လက် တပ်စွဲထားရှိပါတယ်။
Ref:Thesun
MKF-001
#MeKongNews
#အီရန်
#ဒုံးကျည်
#အမေရိကန်
#စိတ်ဒဏ်ရာ