မဲခေါင်၊ ဒီဇင်ဘာ ၂၃
ကုလသမဂ္ဂစားနပ်ရိက္ခာဖူလုံရေးအေဂျင်စီက ဂါဇာမှာ စစ်ပွဲဆက်ဖြစ်ပွားနေရင် အငတ်ဘေးဆိုက်တော့မယ်လို့ သတိပေးချက်ထုတ်ပြန်ခဲ့ပါတယ်။ လက်ရှိ အစ္စရေးတပ်တွေဟာ ဂါဇာထဲဝင်ပြီး ဟားမက်စ်အဖွဲ့ကို အမြစ်ပြု တိုက်ခိုက်နေမှုကြောင့် ဂါဇာမှာ နေထိုင်သူ ၂ . ၂ သန်းစလုံး စားနပ်ရိက္ခာ ရှားပါးမှုနဲ့ ကြုံနေရပြီး ၄ ပုံ ၁ ပုံရှိတဲ့ ပြည်သူ ၅၀၀၀၀၀ က ကပ်ဆိုးဆိုက်ရောက်နေရပြီဖြစ်ပါတယ်။
ပြီးခဲ့တဲ့ ရက်သတ္တပတ်အနည်းငယ်အတွင်း အီဂျစ်နိုင်ငံနယ်ခြားစည်းကနေ ဂါဇာထဲကို ကုန်ကားတွေနဲ့ စားနပ်ရိက္ခာနဲ့ မရှိမဖြစ်ကုန်စည်တွေ မောင်းဝင်ထောက်ပံ့ပေးနေသလို ဒီဇင်ဘာ၁၉ ရက်နေ့က ဂျော်ဒန်ကနေ ပထမဆုံးသော ရိက္ခာကုန်ကားတန်း ဂါဇာကိုဝင်ပေမယ့် ဒီပမာဏဟာ လိုအပ်စားနပ်ရိက္ခာရဲ့ ၁၀ ရာခိုင်နှုန်းပဲ ရောက်ရှိတာဖြစ်ကြောင်း ကမ္ဘာ့စားနပ်ရိက္ခာအစီအစဉ် WFP က အကြီးအကဲ စင်ဒီမက်ကွန်းက ပြောသွားခဲ့ပါတယ်။
“ဂါဇာမှာ ငတ်မွတ်ခေါင်းပါးခြင်းဒဏ်ကနေ ဘယ်သူမှ လွတ်မြောက်နိုင်မှာမဟုတ်ဘူး။ ဒါကြောင့် လူသားချင်းစာနာမှုဆိုင်ရာ အကူအညီအထောက်အပံ့တွေဂါဇာပြည်သူတွေလက်ထဲ ဘေးကင်းလွတ် မြောက်စွာ ရောက်ရှိနိုင်ဖို့ လိုနေပါပြီ” လို့ ပြောသွားခဲ့ပါတယ်။
ကုလသမဂ္ဂလုံခြုံရေးကောင်စီဟာ ပြီးခဲ့တဲ့ တစ်ပတ်ကျော်က ဂါဇာမှာ အပစ်အခတ်ရပ်စဲရေး အဆိုပြုချက်လုပ်ခဲ့ ရာမှာ အမေရိကန်က ဟားမက်စ်ဘက်ချည်းအကျိုးများစေတဲ့ အဆိုဖြစ်လို့ ဗီတိုအာနာနဲ့ပယ်ချခဲ့ပါတယ်။ ဒါပေမဲ့ အခု လုံခြုံရေးကောင်စီက သက်ဆိုင်ရာနှစ်ဖက်အကျိုးကိုကြည့်ပြီး အပစ်အခတ် အပြီးတိုင်ရပ်စဲမှုမပါဘဲ ယာယီ အပစ်အခတ်ရပ်စဲရေး အဆိုသစ်ကို အမေရိကန်ဘက်က ထောက်ခံဖို့ ပြင်ဆင်ထားကြောင်း သိရှိရပါတယ်။
Ref:BBC
MKF-001
#MeKongNews
#ဂါဇာ
#အစ္စရေး
#စစ်ဖြစ်
#အငတ်ဘေး
