မဲခေါင်၊ ဇန်နဝါရီ ၁၈
ဆူးအက်တူးမြောင်းကို မဖြတ်မီ ကမ္ဘာ့ကုန်သွယ်သင်္ဘောတွေ ဖြတ်သန်းရတဲ့ ပင်လယ်နီထဲက ကုန်တင်သင်္ဘော တွေကို ကြိမ်ဖန်များစွာ ပစ်ခတ်တိုက်ခိုက်နေတဲ့ ယီမင်နိုင်ငံထဲက အီရန်ထောက်ပံ့ ဟူသီသူပုန်အဖွဲ့ရဲ့ သင်္ဘော ဖျက်ဒုံးတွေထားရာ သိုလှောင်ရုံ ၄ ခုကို ဇန်နဝါရီ ၁၆ ရက်နေ့မှာ အမေရိကန် လေတပ်က ပစ်မှတ်ထားပြီး တိုက် ခိုက်မှုတွေလုပ်ခဲ့ပါတယ်။
ဟူသီသူပုန်တွေဟာ ပြီးခဲ့တဲ့ ဇန်နဝါရီ ၁၅ ရက်နေ့က အမေရိကန်ကုန်တင်သင်္ဘောတစ်စင်းကို ဒုံးကျည် ၄ လုံးနဲ့ ပစ်ခတ်ရာမှာ တစ်လုံး ထိမှန်ခဲ့ပြီး ဇန်နဝါရီ ၁၆ ရက်မှာလည်း ဂရိပိုင်ကုန်တင်သင်္ဘော တစ်စီးကို ထိမှန်အောင် ပစ်ခတ်ခဲ့ပါတယ်။
ဒီပစ်ခတ်မှုနှစ်ခုစလုံး လူအသေအပျောက်မရှိခဲ့သလို သင်္ဘောဟာလည်း ဆိပ်ကမ်းကို ကပ်နိုင် တဲ့အထိ မောင်းနှင်နိုင်ခဲ့တယ်လို့ သတင်းတွေက ဆိုပါတယ်။
ပြီးခဲ့တဲ့တစ်ပတ်အတွင်း အမေရိကန်နဲ့ ဗြိတိန်စစ်တပ်တွေဟာ ယီမင်းထဲက ဟူသီသူပုန်တွေ အချေစိုက်တဲ့ နေရာ တော်တော်များများကို ပစ်ခတ်တိုက်ခိုက်မှုတွေလုပ်ခဲ့ပြီး ဇန်နဝါရီ ၁၆ ရက် ဂရိကုန်တင်သင်္ဘော ပစ်ခတ်ခံရပြီး နောက်မှာ အမေရိကန်ဟာ တိုက်လေယာဉ်တွေ စေလွှတ်ပြီး ယီမင်နိုင်ငံထဲကနေ ပင်လယ်နီထဲပစ်ခတ်နေတဲ့ သင်္ဘောဖျက်ဒုံး သိုလှောင်ရာ နေရာ ၄ ခုကို ထပ်မံပစ်ခတ်တိုက်ခိုက်တာဖြစ်ပါတယ်။
ဒီတိုက်ခိုက်မှုတွေကြောင့် ဟူသီဘက်က မထင်မှတ်ထားလောက်တဲ့ လက်စားချေတုံ့ပြန်မှု ကြုံရမယ်လို့ ခြိမ်းခြောက်ထားပါတယ်။ ဗြိတိန်လွှတ်တော်ကတော့ ဟူသီရဲ့ ပစ်ခတ်မှုတွေကြောင့် အမေရိကန်နဲ့ ဗြိတိန်မှာ တစ်နှစ်အတွင်း ဆီးဈေးနှုန်းအမြင့်ဆုံးအဖြစ် ၄ ရာခိုင်နှုန်းဈေးတက်သွားလို့ ဟူသီအဖွဲ့အနေနဲ့ ဆက်လက် ပစ်ခတ်နေမယ်ဆိုရင် တိုက်ခိုက်မှုတွေကို တိုးမြှင့်လုပ်ဆောင်သွားဖို့ ဆုံးဖြတ်ပေးခဲ့ကြောင်း သိရှိရပါတယ်။
Ref: thesun
MKF-001
#MeKongNews
#အမေရိကန်
#ဟူသီ
#သင်္ဘောဖျက်ဒုံး
#ပစ်ခတ်