မဲခေါင်၊ ဇန်နဝါရီ ၂၃
ဇန်နဝါရီ ၂၁ ရက်နေ့က အနီးဆုံးယူကရိန်းနယ်စပ်ကနေ မိုင် ၂၀၀ ကွာဝေးတဲ့ စိန့်ပီတာစဘာ့ဂ်မြို့အနီး တူလာအရပ်က ရုရှားစစ်တပ်အတွက် မဟာဗျူဟာအရ အရေးပါတဲ့ လေကြောင်းရန်ကာကွယ်ရေး ဒုံးကျည် ထုတ်လုပ်ရာ စက်ရုံကို ယူကရိန်းဘက်က ကာမီကာဇီဒရုန်းနဲ့ ပစ်ခတ်တိုက်ခိုက်ရာမှာ ကောင်းကင်ထက် မီးလုံး ကြီးမြင့်တက်သွားပြီး ပြင်းထန်စွာ မီးလောင်ပေါက်ကွဲသွားခဲ့ပါတယ်။
နိုဗာတက်ခ်လက်နက်ထုတ်လုပ်ရေးစက်ရုံဟာ ပူတင်နဲ့ ရုရှားမြို့ကြီးတွေကို လေကြောင်းတိုက်ခိုက်ခံရမှုကနေ ကာကွယ်နိုင်စေမယ့် လေကြောင်းရန်ကာကွယ်ရေး ဒုံးတွေ ထုတ်လုပ်တဲ့ စက်ရုံဖြစ်သလို ရုရှားစစ်တပ်ရဲ့ သံချပ်ကာကား အဆင့်မြှင့်တင်မှုတွေလုပ်ရာ စက်ရုံကြီးဖြစ်ပါတယ်။
ရုရှားဘက်က ယူကရိန်းရဲ့ ကာမီကာဇီ ဒရုန်း ၂ စင်းကို ပစ်ချနိုင်ခဲ့တယ်လို့ ကြေညာခဲ့ပေမယ့် အနီးအနားနေသူတွေ ရိုက်ကူးထားတဲ့ ရုပ်သံတွေမှာ ပြင်းထန်စွာမီးလောင်ပေါက်ကွဲပြီး လုံး၀ ပျက်ဆီးသွားတာကို ငြင်းမရအောင် သက်သေခိုင်လုံခဲ့ပါတယ်။
ဒီလက် နက်စက်ရုံတင်မက အနီးအနားမှာရှိတဲ့ နိုဗာတက်ခ်ကုမ္ပဏီပိုင် ဓာတ်ငွေ့စက်ရုံပါ ထိမှန်ပြီး မီးလောင်ပေါက်ကွဲ သွားရာမှာ အရပ်သား ၁၅၀ ကိုပါ ရွှေ့ပြောင်းခိုင်းရပြီး ကမ္ဘာကြီးပါ တုန်ခါသွားခဲ့တယ်လို့ မျက်မြင်တွေက ဆိုပါတယ်။
နိုဗာတက်ခ် အင်တာပရိုက်စ်ရဲ့ အဓိက ရှယ်ယာရှင် လီယိုနစ်မီခယ်ဆင်ဟာ ပူတင်ရဲ့ သူငယ်ချင်းဖြစ်ပြီး ယူကရိန်းကျူးကျော်စစ်ကြောင့် အကျိုးအမြတ်များစွာရနေကာ မနှစ်ကတစ်နှစ်တည်း ကြွယ်ဝမှု ပေါင် ၂ ဘီလီယံ ထပ်ချမ်းသာသွားလို့ စုစုပေါင်း ပေါင် ၂၁ . ၅ ဘီလီယံ ကြွယ်ဝသူဖြစ်လာခဲ့ပါတယ်။
ဇန်နဝါရီ ၂၁ ရက်ဟာ ရုရှားနိုင်ငံ အတွင်းပိုင်းထဲအထိ ယူကရိန်းဘက်က စစ်ပွဲကာလမှာ အပြင်းထန်ဆုံး လေကြောင်းတိုက်ခိုက်မှု ပြုလုပ်တာဖြစ်ကာ စပိုလန့်စ်၊ အော်ရို၊ ဘရိုင်းယန့်ခ်စ်ဒေသတွေက ရုရှား စစ်အခြေ စိုက်စခန်းတွေကိုပါ တစ်ရက်တည်း တိုက်ခိုက်ခဲ့တာဖြစ်ပါတယ်။
ပြီးခဲ့တဲ့ ရက်ပိုင်းကတည်း အနီးဆုံးယူကရိန်းနယ်စပ်နဲ့ မိုင် ၅၅၀ ဝေးတဲ့ ရုရှားဆိပ်ကမ်းတစ်ခုကို ယူကရိန်းက ပစ်ခတ်တိုက်ခိုက်လို့ ဆီလှောင်ကန်တွေ မီးလောင်ပျက်ဆီးခဲ့မှုကြောင့် ရုရှားလေကြောင်းရန် ကာကွယ်ရေး စနစ်ဟာ အဆင့်မမီလို့သာ ဒီအကွာအဝေးကို ယူကရိန်းဘက်က တိုက်ခိုက်နိုင်ခဲ့တာလို့ စစ်ထောက်ခံ ရုရှား နိုင်ငံရေးသမားတွေကိုယ်တိုင်က ဝေဖန်နေကြပါတယ်။
Ref:Thesun
MKF-001
#MeKongNews
#ရုရှား
#ကာမီကာဇီ
#ဒရုန်း
#ဒုံးကျည်
#ပေါက်ကွဲ
